壽司派 (已結業)

因為有一朋友就快離港，所以約埋二三知己到沙田晚飯飯局歡送朋友之餘順道慶祝假期既來臨😁因為大家都有同一偏好就係吃日本野。睇下menu, 款式多兼價錢合理！Go,!試下啦！見𥚃面都多人但好彩等一陣就有位😁坐低就食下前菜先！先黎一碟蟹子沙律！賣相唔錯，食落幾好，總算冇入錯黎😅花多眼亂好似好多好野食咁！我最後當然係起勢咁叫我至愛三文魚、蛋、鰻魚壽司、炸物！難得送別朋友，一於豪一次叫埋刺身試下😆😆賣相唔錯，質素非常好，應該唔係岩岩係雪櫃攞出黎果d,食落各樣都好新鮮，水準ok!而炸物都係熱辣辣上台，算係唔錯。惟一我想講既其中一款壽司叫鵝肝壽司！坦白講小弟咁大個仔都係第一次聽，所以即管試一試.....哇，入口既溶，好得意兼好好味，可以再試。總結，百零蚊食到咁多款式既食物算唔錯，惟一係壽司款式太多同唔係好敢試。