Cocina 3 Tapas Restaurant & Bar (已結業)

今日生日同老婆去了這間餐廳食西班牙菜，原因是為了西班牙海鮮炒飯而來。首先餐廳環境幾舒服，有啲酒吧feel，坐落個感覺幾輕鬆。今晚點了4款菜，先是俾$15的任食脆片配酸忌廉芝士醬，其實個脆片係一般超士買到的粟米脆片，單講塊脆片係無特別，不過重點係佢個酸忌廉芝士醬，塊脆片沾上這個醬之後完全唔同，酸酸地同好濃味，食落口幾香，同埋可以任食，如果同班朋友坐底飲杯酒，一路飲一路食，個感覺應該唔錯，係一種享受。跟住到西班牙香燒乳豬仔。件乳豬食落似燒肉多啲，無咩特別，反而覺得傳統中式燒乳豬好食啲。然後到另一款小食，西班牙炸車打芝士波，一擺入口熱辣辣，應該係啱啱炸好，中間都幾多芝士，個炸粉皮唔會太厚，食落都幾濃味，不過略為偏鹹。之後到西班牙海鮮炒飯，啲飲食落幾硬身，有啲咬口，同埋啲海鮮味滲咗落啲飯入面，食落都唔錯。總括呢間餐廳都值得一試，可以再去。