影片
更多
2022-09-18
1091 瀏覽
以前火紅的火鍋店，就會無食過一定會聽過，朋友話去食不倒翁，我都驚奇呢間野原來仲有係到，記得以前細個食一次打邊爐，價錢都真係唔平，不過那些年有品味嘅回憶，除咗高流灣，就一定有不倒翁的份。上到去，餐廳非常之大，係嗰種豪氣嘅火鍋店氣派，記得以前佢喺iSquare分店，勁大間座無虛席，那些年的回憶，回味。朋友點解揀呢間餐廳係因為有夏日椰青雞鍋，$688二人用，見到個價錢我有啲出奇，我記得以前係不倒翁打邊爐，一位$800都走唔甩。先來個清潤椰青滑雞煲，如果你有印象，呢個係深圳火紅嘅產品，以前都曾經試過去深圳特登食椰子雞煲，呢個椰子幾濃，半隻嘅雞件都不少，平時一個呢啲咁買雞煲，最平都$300，所以我覺得呢度風格似乎轉左。環球海鮮盤有南非鮮鮑魚、生猛蟶子、桶蠔、新鮮班片、海生蝦，全部嘅海鮮都唔太差，當中鮑魚同蟶子最出色。美國雪花肥牛，還可以接受，呢個價錢，唔通你覺得可以食到方榮記嘅牛頸脊咩。當然講究可以食金牌手切肥牛，加＄200有小，加＄270有大份。不倒翁鎮店水餃皇同合時新鮮蔬菜都係business as usual，我個人覺得最好就係有個烏冬或者生麵，成件事先至完美。最後每兩人總會有一揸飲品，飲
以前火紅的火鍋店，就會無食過一定會聽過，朋友話去食不倒翁，我都驚奇呢間野原來仲有係到，記得以前細個食一次打邊爐，價錢都真係唔平，不過那些年有品味嘅回憶，除咗高流灣，就一定有不倒翁的份。
上到去，餐廳非常之大，係嗰種豪氣嘅火鍋店氣派，記得以前佢喺iSquare分店，勁大間座無虛席，那些年的回憶，回味。
朋友點解揀呢間餐廳係因為有夏日椰青雞鍋，$688二人用，見到個價錢我有啲出奇，我記得以前係不倒翁打邊爐，一位$800都走唔甩。
先來個清潤椰青滑雞煲，如果你有印象，呢個係深圳火紅嘅產品，以前都曾經試過去深圳特登食椰子雞煲，呢個椰子幾濃，半隻嘅雞件都不少，平時一個呢啲咁買雞煲，最平都$300，所以我覺得呢度風格似乎轉左。
環球海鮮盤有南非鮮鮑魚、生猛蟶子、桶蠔、新鮮班片、海生蝦，全部嘅海鮮都唔太差，當中鮑魚同蟶子最出色。
美國雪花肥牛，還可以接受，呢個價錢，唔通你覺得可以食到方榮記嘅牛頸脊咩。
當然講究可以食金牌手切肥牛，加＄200有小，加＄270有大份。
不倒翁鎮店水餃皇同合時新鮮蔬菜都係business as usual，我個人覺得最好就係有個烏冬或者生麵，成件事先至完美。
最後每兩人總會有一揸飲品，飲竹蔗茅根是常識吧。
食完剛剛好去睇戲，快靚正唔使諗，我成日覺得呢啲打邊爐餐，不仇無客，不過同以前那些年好食嘅回憶真係爭好遠。
張貼
