媽咪雞蛋仔 (已搬遷) 新店位置

行街經過見到呢個轉角位開咗間媽咪雞蛋仔 咁啱又未食下午茶 口痕痕就諗住買一底試吓當年係Poly讀書嘅時候 成日都走去紅磡總店買雞蛋仔食 嗰時真係覺得好好食 畢業之後都已經冇食過了 原來而家新出左咁多口味 今次就決定試吓新口味 唔食粒粒朱古力味 揀咗抹茶朱古力味 ($26)其實望落綠綠地青青地已經好開心 係我鍾意嘅顏色不過抹茶味唔太濃 只係食到淡淡既茶味 可能係因為朱古力味太搶 但係朱古力味係呢個配搭之中都唔出色 無平時嗰種有少少朱古力粒但又有少少流心嘅味道 而且就算係即刻食都冇咗嗰種外脆內軟嘅感覺 有少少失望