梨花園快餐 (已結業)

希慎廣場入面食肆林立，不過唔少人都會選擇上到頂，去food court搵嘢食，始終food court價錢相宜一啲，而且中西日韓都有。呢次喺梨花園快餐諗住食下韓嘢，叫咗個「石頭鍋雜菌牛肉拌飯」($80)，會有埋些少前菜送。好可惜，味道真係十分麻麻......首先前菜有幾款：泡菜、芽菜、蘿白，全部都無乜味，本人食嘢已經算啖口，但都覺得淡味，真係好嚴重....講緊泡菜喎...至於個紫菜湯反而鹹得滯，明顯係味精湯味，飲咗兩啖放棄。最主要嘅拌飯，唔知係咪我理解錯，以為拌飯係會有辣醬撈埋一齊食嗰種，所以當我係咁撈個飯都見唔到有辣醬時，係有啲失望，結果要去返舖面拎啲辣醬返埋位自己撈埋佢。啲牛肉味道正常，但十分鞋口。成餐飯基本上非常一般，food court大把選擇，下次揀其他啦。