梨花園快餐 (已結業)

本來買個紫菜包飯比小朋友食，點知呢個紫菜卷啲飯硬，牛肉好硬，紅蘿蔔都變晒色！似用微波爐叮番熱，小朋友吐番出嚟，我食下已知隔夜好難食！曾有一個韓國阿豬媽同我講紫菜包飯要即日食，不能隔夜，品質會變晒，如我即場食一定退番比佢叫佢自己試下！咁都可以賣比人食仲係希慎？應該out 啦！

牛肉大醬湯咸到飛起，已經唔可以叫做湯，係醬汁，似平時食牛肉飯啲餸汁咁咸！湯入面有好大舊豆腐，成舊都凍嘅！根本冇煮過，只係加熱啲湯就將舊凍豆腐放入去就算！呢啲唔叫煮，叫將啲食物放埋一齊就上碟比客。

今日lunch叫左呢個韓式飯卷便當🍱便當裏面嘅嘢食非常豐富首先佢飯卷已經分咗兩種辣同埋唔辣既口味，食落口感豐富好足料。另外仲有個炒粉絲，炸雞同蓮藕蛋卷小食。粉絲食落好香口，而炸雞亦好香脆好食

lunch諗住普普通通食一餐，就揀咗呢間主要係想食飯卷，於是就揀咗個飯卷炸雞套餐佢準備嘅時候見到佢將啲嘢放落微波爐，已經心有不安，心諗“唔通攞啲飯卷去叮？”個餐話貴唔貴，但點都唔會整叮叮嘢俾人嘛？見佢係微波爐攞返啲嘢出嚟，bingo！真係我叫嘅飯卷🙄🙄🙄好彩個炸雞同炒粉絲都好食，個份量都多，夠飽肚，但70幾蚊食叮叮飯卷，我都係自己落7-11買嚟叮就算🤦🏻‍♀️🤦🏻‍♀️只有一次，沒有下次。

希慎廣場入面食肆林立，不過唔少人都會選擇上到頂，去food court搵嘢食，始終food court價錢相宜一啲，而且中西日韓都有。呢次喺梨花園快餐諗住食下韓嘢，叫咗個「石頭鍋雜菌牛肉拌飯」($80)，會有埋些少前菜送。好可惜，味道真係十分麻麻......首先前菜有幾款：泡菜、芽菜、蘿白，全部都無乜味，本人食嘢已經算啖口，但都覺得淡味，真係好嚴重....講緊泡菜喎...至於個紫菜湯反而鹹得滯，明顯係味精湯味，飲咗兩啖放棄。最主要嘅拌飯，唔知係咪我理解錯，以為拌飯係會有辣醬撈埋一齊食嗰種，所以當我係咁撈個飯都見唔到有辣醬時，係有啲失望，結果要去返舖面拎啲辣醬返埋位自己撈埋佢。啲牛肉味道正常，但十分鞋口。成餐飯基本上非常一般，food court大把選擇，下次揀其他啦。

假日銅鑼灣周圍啲餐廳都大排長龍，所以就諗到嚟希慎嘅food court，起碼可以叫完嘢食搵位坐住等。行咗一個圈決定食韓式芝士泡菜炒飯配牛肉套餐。套餐係多咗三款前菜，飲品同一小包紫菜，一諗到紫菜可以包住啲泡菜炒飯咁食就二話不說咁叫咗套餐。首先小食嘅泡菜幾好食，泡菜醃得好入味，又爽又夠酸。芽菜嘅話如果加番啲芝麻同麻油會吸引同惹味多好多，我略嫌味道太淡。最後青瓜，食咗一舊就無再夾過嚟食，因為都係無乜味道而且口感太淋牛肉醃得好入味，非常韓式嘅味道，就好似石頭拌飯入面個種醃牛肉咁。但係撈完之後芝士又同啲芽菜痴埋咗一大堆，認真唔識欣賞。泡菜炒飯入邊只係有一片泡菜而且無泡菜味….. 非常無奈總括來講個飯食落只係橙色嘅白飯，絕對稱唔上係泡菜炒飯。

本身見openrice好多劣評都有啲擔心🤣不過好想食韓國野特別係拌飯所以試試Set 74蚊會有三個前菜同野飲同紫菜同埋好快就扲得！🤭🤭啲小菜同伴菜都幾大路味道幾正常不過個小菜嘅泡菜一啲都唔爽脆。。。。。反而係好淋麻麻地😅😅😅😅🥲但另外個蓮藕就幾軟幾入味幾好食 豆芽啊菜啊果啲都正常但個牛就真係麻麻。。。食落無咩味有啲鞋又幾韌同埋又好碎 雖然份量都算多🥴🥴🥴。。。同埋個拌飯醬都唔算好香好辣。。一般般😰整體我覺得勝在幾平同份量好多😂😂70幾蚊有咁多野食 我覺得都ok 可接受

要左個部隊鍋，無諗過可以咁難食！菜係生嘅，午餐肉多又點，好難食！白飯凍嘅，配菜都好難食，82蚊個餐，唉，賺到我一次錢，絕對賺唔到我第二次，真中伏！希望大家睇完食評咪去，圖片上嘅金菇完全無煮過，如果唔想做生意直接摺左佢，唔好浪費食物同人地嘅金錢，成個餐真係為左地球食d，真係食唔落

叫左個石頭雜菌牛肉拌飯，加一本熱柚子蜜，$80。很失望！拌飯的蛋絲好像放了很久的樣子，菜也是酸酸的有種奇怪的味道，整個拌飯沒什麼味道，比起在家樓下街市小店賣的還遜色。今次可以話係「中左伏」，絕對無下次！😣😣😣😣It’s a really disappointing Korean meal. The taste is dull, and the side seems not very fresh.

Food court 韓食之選👍🏻夠大份，包你一定食得飽。套餐包一個主食、前菜同野飲都係~$70，非常抵😂韓式雜錦拌飯🍚味道一定係普普通通嫁啦，不過料都幾多，撈埋d飯真係勁飽肚。韓式甜辣醬可以擠要幾多，店面前有小兜可以擠落去，所以記得要拎，如果唔係就會食落好dry。前菜份量同款式都算多，有黑豆、泡菜同芽菜。淹得都okay👍🏻

almost no seasoning從未食過咁難食既韓式拌飯牛肉好乾好乾味無汁無麻油味好失望！！！！！買飯時阿姐掛住傾計唔想啋我落錯唔係我想要既傳統拌飯我還能接受

位於銅鑼灣希慎廣場11樓既呢間韓式餐廳都開左一段時間啦，每次黎親銅鑼灣希慎有時唔知想食咩既話都會食下呢間，貪佢份量都比較多～而食物選擇都係韓式快餐常見果啲，有湯鍋亦都有拌飯，而今次就揀左傳統雜錦拌飯套餐～傳統雜錦拌飯套餐（$74），呢個套餐係包左三款前菜加埋飲品，前菜有泡菜，芽菜同黑豆，飲品就揀左熱柚子茶，而前菜既味道都唔錯，而雜錦拌飯既份量就有好多，拌飯既材料有紅蘿蔔絲，蛋絲、芽菜、紫菜同牛肉等等，配合埋韓式辣醬一齊撈均，食落拌飯既層次好豐富，平時食韓式拌飯最忌份量少，食落就唔夠過癮啦～而呢間既拌飯份量夠多，而味道都好正常，係想食韓國嘢過下口癮既選擇😋

早幾前中午經過CWB食lunch 一時之間諗唔到食咩 NANA與友人都持不同意見 傾左15分鐘都未諗好食咩🥲所以我就提出去希慎FOOD COURT睇下 大家又可以食品同餐廳既嘢😎（其實NANA覺得FOOD COURT確實係一個好的發明 啱晒兩個選擇困難症嘅人哈哈😽）NANA當日好想食韓式粉絲 見到梨花園快餐幾廿蚊又有主食又有前菜 仲送埋飲品 就決定揀呢間啦🐽-泡菜豬肉炒粉絲 $68 （連前菜飲品）首先講下前菜：醃青瓜 泡菜 芽菜3款前菜味道正常 係好common既韓式前菜都可以開下胃口 但並沒驚喜OK到粉絲主角 賣相可以、顏色鮮艷 但粉絲本人麵質偏淋偏碎 口感一般 泡菜豬肉食得出落左好多調味料 感覺都幾heavy 加上成個粉絲愈食愈油 食到底成碟都係油。。🥶所以NANA並冇完成全碟粉絲🙃最後講講個湯 快餐店必有的味精湯 入面都有幾多料：肉片 海帶等等 OK LA...-其實呢間餐廳整體係可以食用 但其實FOOD COURT周圍有太多選擇了！

50蚊買個牛肉飯卷，竟然係個店面就咁叮熱比客人食，好倒胃口，從來未見過咁無誠意既韓國料理。咁不如去食7-11叮飯卷，先係二十蚊。叮翻熱既飯卷部分d飯硬曬，好難食。加上服務態度期差，簡直負分!請檢討!

點了牛肉伴蔬菜石頭鍋飯，等咗好耐，大約20分鐘，遠遠就聞到一陣燶味， 既然都買咗，都要梗著頭皮食D，但係燶到根本上食唔入口，所以打算等佢攤凍然後先食。攤凍咗仍然都係一陣燶味，心諗廢事咁浪費，點都食完面頭個浸野食就算，可是d蔬菜是霉，加上本身燶味，難食至極。另外牛肉是後放上去，照計就無濃味，不過就非常非常之硬，趙唔到，最後我都無乜食過，只係飲咗兩淡湯就算。唔知咁樣係咪先叫地道韓國菜，不過我就唔欣賞喇。