影片
更多
2018-04-01
988 瀏覽
1) 首先，服務態度世界級咁差。一入去無乜問題，到嗌野食時，叫左幾次唔該都無人理，聚晒係廚房度傾計，仲要鬼咁大聲，直到我媽咪嗌「靚女」先有人應。2) 然後，嗌完野食，我地係睇午市套餐牌，睇睇下個侍應行過嚟，將個餐牌收咗，話今日冇午市套餐。下，咁都得？我地嗌完先收？佢話擺錯左。咁都得？ 之後攞張單黎睇，好彩佢散嗌同套餐價錢相差唔太遠。呢樣都未算最離譜。 3) 離譜嘅係，同媽咪兩個人嗌左兩個餐，好正常，然後想買返去比家姐食，但唔想用外賣盒，就咁叫堂食然後裝入自己嘅膠盒。個待應見到我哋啲盒，就問我地係咪外賣，我哋答都未答得切嘅時候，佢就攞咗我哋張單去改做外賣，然後加左一蚊。個重點唔係一蚊，我哋同返個侍應講話就咁堂食，我哋自己裝走。我見到廚房有個啊姐將個飯擺落去佢哋嘅外賣後，跟住侍應就同佢講話我哋係堂食，啊姐發脾氣，佢就好似講咗聲粗口咁。下？關我乜事？我不嬲都係話堂食囉，你啲待應搞到咁亂！你加唔加一蚊都無所謂囉。我知道佢地大把分都係台灣人，於是我問左佢兩次「你什麼態度？」佢扮聽唔到。大佬，我有俾錢食飯，做乜要受你氣？ 4) 之後我同媽咪食飯繼續，嗌左既飲品一直都未黎，我哋就問野飲幾時黎。跟住佢
1) 首先，服務態度世界級咁差。一入去無乜問題，到嗌野食時，叫左幾次唔該都無人理，聚晒係廚房度傾計，仲要鬼咁大聲，直到我媽咪嗌「靚女」先有人應。
2) 然後，嗌完野食，我地係睇午市套餐牌，睇睇下個侍應行過嚟，將個餐牌收咗，話今日冇午市套餐。下，咁都得？我地嗌完先收？佢話擺錯左。咁都得？ 之後攞張單黎睇，好彩佢散嗌同套餐價錢相差唔太遠。呢樣都未算最離譜。
3) 離譜嘅係，同媽咪兩個人嗌左兩個餐，好正常，然後想買返去比家姐食，但唔想用外賣盒，就咁叫堂食然後裝入自己嘅膠盒。個待應見到我哋啲盒，就問我地係咪外賣，我哋答都未答得切嘅時候，佢就攞咗我哋張單去改做外賣，然後加左一蚊。個重點唔係一蚊，我哋同返個侍應講話就咁堂食，我哋自己裝走。
我見到廚房有個啊姐將個飯擺落去佢哋嘅外賣後，跟住侍應就同佢講話我哋係堂食，啊姐發脾氣，佢就好似講咗聲粗口咁。下？關我乜事？我不嬲都係話堂食囉，你啲待應搞到咁亂！你加唔加一蚊都無所謂囉。
我知道佢地大把分都係台灣人，於是我問左佢兩次「你什麼態度？」佢扮聽唔到。大佬，我有俾錢食飯，做乜要受你氣？
4) 之後我同媽咪食飯繼續，嗌左既飲品一直都未黎，我哋就問野飲幾時黎。跟住佢問我地有落單咩？佢仲要厚顏問我地飲乜野。what? 好彩個侍應指返張單俾廚房睇，過咗好耐先至有飲品。
總括而言，我認為呢間餐廳嘅食物質素一般，無咩特別。最扣分嘅地方係在於餐廳既服務質素。如果嘗試一下被人無視或無禮對待，就去呢間餐廳體驗一下啦。😂
*很感謝睇到呢度嘅人因為都好多字。我好想分享呢個遭遇。我希望餐廳嘅負責人睇到呢篇野，可以改善一下惡劣餐廳嘅服務質素，因為我睇其他食評都知道服務態度為呢間餐廳扣左唔少分數。
*唔會再去！
張貼
