Cafe Charm's (已結業)

打開menu, 明太子煙肉忌廉意大利粉配北海道帶子(刺身級) 店主推薦指數係👍👍。噤就一於點嚟試試。嚟到見倒個賣相已經覺得有啲奶奶地嘢...唔係指唔識擺碟, 而係一見倒個明太子忌廉汁嘅色水&黏糊程度...惡劣...好~先試個帶子~....刺身級?! 認真的嗎? 浪費晒啊!!! 舊帶子咬落去係靭嘅... 好明顯佢煎過籠...煎至表面金黃就停, 內裡唔好熟晒係常識吧?!好喇, 來試意粉~....個汁真係出咗事, 連啲意粉都一齊出埋事...啲意粉斷嘅喂?! 煮到斷晒係咩玩法...基本功都無...落太多cream, 意粉又煮太耐斷晒, 明太子醬又無味, 個煙肉完全唔香無味, 唔似有炒過噤 ...我完全唔知呢碟邊忽值$102...因我今次係第一次嚟, 唔知係因為店主行開咗, 另一個人煮so出事, 係原本係噤...但我諗我唔會再試呢間...如果係因為店主行開就搵個未滿師嘅嚟...我唔覺得呢個係對食客嘅專重...枉我專登過嚟試...利申: 自問係一個意粉控, 出街試唔同餐廳嘅意粉, 自己又會下廚研究下, 不同牌子意粉, 不同煮法都試。