麻辣妹 (已結業)

見到網上好多正評同FB IG宣傳，於是星期六中午決定嚟試下。門口有個屏風，所以我要入到間舖先見到——入面係一個人都冇嘅。叫咗個米線同杯檸茶，點知個米線等咗二十分鐘都未到⋯⋯明明一個客都冇都可以搞咁耐，我真係唔明呢間嘢繁忙時間可以點生存。米線味道係OK嘅，辣勁都唔錯。但係唔算特別出色。份量實在爭咁D，以四十幾蚊碗嚟講真係唔太抵。呢個份量似葵廣廿零三十蚊掃街嗰D。埋單$51，食得唔太飽，仲要先餓多你一陣，值唔值大家決定。我就寧願食第二間喇。