影片
更多
2021-04-18
127 瀏覽
唔知大家會唔會同小編一樣，都有一個邊爐癮🤤——久唔久就會想食下火鍋，同朋友一邊烚下烚下、一邊吹水~~🥰而今次小編好開心收到「十二鍋」既邀請去試食佢地既台式一人火鍋😝 而眾所周知，一人火鍋係有好多既特定湯底組合可以選擇，今次小編同同行朋友就揀左其中3款試試佢 ♥️.#台式麻辣鍋 🌶喱個湯底係三個口味入面最吸引既，朋友仔揀左少少辣，所以佢係重口味得黎又唔會太刺激令人頂唔順!! 鐘意食辣，不論食勁辣定BB辣既你地都可以試呀!!😉而喱個湯底入面最出色既一定係鴨血、蜂巢豆腐、韓國粉絲!!😋 喱度既鴨血除左某D湯底既配料有，仲可以當小食嗌嫁!!佢既口感真係滑嘟嘟又唔鬆散，配上麻辣湯，惹味又好味👍🏻 而蜂巢豆腐同韓國粉絲就可以吸收麻辣湯汁，喺口入面爆發個刻真係好過癮，正!🤩.#酒香藥膳雞鍋 🐔喱個係小編當日揀既口味，因為個排皮膚狀況唔太好，所以想揀個冇咁罪惡同刺激既湯底。🙈 而喱個藥膳湯真係相對養生，酒味唔濃但帶有淡淡酒香，而且入面既肉類係配左雞肉，所以都唔會好肥膩~喱鍋湯底最正既就係佢d蔬菜同豆腐，食到d清甜既味道~☺️. #期間限定 —— #壽喜燒鍋 🍢喱個湯底好得意，佢既味道由一開始偏甜，但食食下
而今次小編好開心收到「十二鍋」既邀請去試食佢地既台式一人火鍋😝 而眾所周知，一人火鍋係有好多既特定湯底組合可以選擇，今次小編同同行朋友就揀左其中3款試試佢 ♥️
.
#台式麻辣鍋 🌶
喱個湯底係三個口味入面最吸引既，朋友仔揀左少少辣，所以佢係重口味得黎又唔會太刺激令人頂唔順!! 鐘意食辣，不論食勁辣定BB辣既你地都可以試呀!!😉
而喱個湯底入面最出色既一定係鴨血、蜂巢豆腐、韓國粉絲!!😋 喱度既鴨血除左某D湯底既配料有，仲可以當小食嗌嫁!!佢既口感真係滑嘟嘟又唔鬆散，配上麻辣湯，惹味又好味👍🏻 而蜂巢豆腐同韓國粉絲就可以吸收麻辣湯汁，喺口入面爆發個刻真係好過癮，正!🤩
.
#酒香藥膳雞鍋 🐔
喱個係小編當日揀既口味，因為個排皮膚狀況唔太好，所以想揀個冇咁罪惡同刺激既湯底。🙈 而喱個藥膳湯真係相對養生，酒味唔濃但帶有淡淡酒香，而且入面既肉類係配左雞肉，所以都唔會好肥膩~喱鍋湯底最正既就係佢d蔬菜同豆腐，食到d清甜既味道~☺️
.
#期間限定 —— #壽喜燒鍋 🍢
喱個湯底好得意，佢既味道由一開始偏甜，但食食下過左段時間就會慢慢變鹹😆 同埋佢既雞蛋係一早打左落湯底，喱方面小編既朋友仔就有D失望喇…因為一早打左落去又攪開左既話，可以話感受唔到佢既存在，就失左色啦😗 不過壽喜燒湯烚牛肉係好夾既，唔食得辣但又重口味既你地，都可以睇下期間限定有冇機會試試佢啦🤓
.
台式一人火鍋Set入面包左一杯野飲同白飯/粉絲，仲可以加錢轉特色飲品同滷肉飯添~大家可以就自己個人喜好去揀啊!!小編就推薦揀粉絲吸湯，同埋當晚飲既金桔檸檬寶紅係唔錯既，大家都可以試下😎
.
仲未完~~~小食同配料入面小編大推 #麻辣鴨血、#爆汁牛筋丸 同 #香菇貢丸!正呀~~~~~~🙌🏻
不過小編當日試唔到台式雞皮捲同現烤老油條，好可惜…如果有朋友仔試左記得同小編分享下好唔好食啊~~🤪
.
📌 溫馨提示：佢喱度既燃料都幾快就燒完一粒，我地個日一個鍋大概用左2-3粒。所以大家記得要留意住個火會唔會烚烚下熄左，避免有D野食未熟就擺左落口既風險啦!!🤣
張貼
