影片
更多
2024-02-13
583 瀏覽
平時都有去開唔同嘅素食餐廳，今次係第一次嚟試依間餐廳，本身都因其略有名氣而抱有相當嘅期望，巧逢情人節，就決定同女朋友嚟，點知係一次極度失望嘅體驗！💢💢💢*一入餐廳，店內裝潢的確有其獨到之處，以粉紅色為基調，而且充滿現代感，令我對餐廳嘅觀感亦頗為不錯，然而食物先係本次評論嘅重點🆘🆘🆘*今次選擇咗喺openrice上面可以訂嘅情人節dinner set，叫價$1100兩位😵😵😵咁當然對餐點嘅質素有所期待。*前菜係一份蔬菜雜燴，以熱食作為開胃菜，本來已經感覺唔太開胃，再加上味度偏鹹，口感油膩冧糯，以開胃菜嚟評價，並不能夠稱得上達標🫥*前菜後再上咗一份小食，焗芝士大啡菇，風味頗佳，算係今個set入面最出色嘅菜式，但依然只係一個焗芝士大啡菇🥱*餐湯係素周打忌廉湯，口感係幾濃郁，忌廉同鹹味都配搭得好好，有令人想一羹接一羹嘅慾望，但飲多幾啖就會覺得膩。*然後係主菜，有四個options，我哋揀咗忌廉薯仔丸同素牛肉批。*忌廉薯仔丸的確係好食，但極為之膩🤢要知道喺前面飲餐湯嘅時候已經覺得膩到好辛苦，食埋依個，膩上加膩🤮食咗兩啖已經入唔到口，我平時都幾大食，但我都真係頂唔順。*素牛肉批都係同樣問題，雖然味
*
一入餐廳，店內裝潢的確有其獨到之處，以粉紅色為基調，而且充滿現代感，令我對餐廳嘅觀感亦頗為不錯，然而食物先係本次評論嘅重點🆘🆘🆘
*
今次選擇咗喺openrice上面可以訂嘅情人節dinner set，叫價$1100兩位😵😵😵咁當然對餐點嘅質素有所期待。
*
前菜係一份蔬菜雜燴，以熱食作為開胃菜，本來已經感覺唔太開胃，再加上味度偏鹹，口感油膩冧糯，以開胃菜嚟評價，並不能夠稱得上
達標🫥
*
前菜後再上咗一份小食，焗芝士大啡菇，風味頗佳，算係今個set入面最出色嘅菜式，但依然只係一個焗芝士大啡菇🥱
*
餐湯係素周打忌廉湯，口感係幾濃郁，忌廉同鹹味都配搭得好好，有令人想一羹接一羹嘅慾望，但飲多幾啖就會覺得膩。
*
然後係主菜，有四個options，我哋揀咗忌廉薯仔丸同素牛肉批。
*
忌廉薯仔丸的確係好食，但極為之膩🤢要知道喺前面飲餐湯嘅時候已經覺得膩到好辛苦，食埋依個，膩上加膩🤮食咗兩啖已經入唔到口，我平時都幾大食，但我都真係頂唔順。
*
素牛肉批都係同樣問題，雖然味道上有番茄肉醬嘅酸味減走少少膩嘅感覺，但幾款菜式夾埋，一樣係膩到完全頂唔順😓
*
主菜勉強食完（其實根本食唔晒），仲要明明好細份，不過都終於捱到甜品，諗住可以鬆一口氣😮💨點知先係戲肉😰！！！
*
一上枱，望住隻碟，「朱古力士多啤梨」，完全係冇多冇少，係四粒喺一田起市買到最平嘅嗰款士多啤梨，配上生日蛋糕朱古力牌嗰種質素嘅白朱古力外層，連雪糕🍨都冇一啖😅糖水鋪都不如，望到淨係得啖笑😀一入口，完全食得出朱古力死甜嘅嗰種cheap感🤭同士多啤梨嘅味道一啲都唔夾，咬咗一啖仔就發現唔對路，於是決定將啲朱古力整落嚟，淨係食士多啤梨仲好過，越食越嬲！😡
*
講咗咁多，其實係想個廚師同餐廳對自己嘅食物同服務質素嘅態度！😤一個dinner set，菜式配搭完全無理，前菜做唔到開胃嘅效果😶一堆好膩嘅食物前後砌埋一齊😵💫個甜品仲要好似求其應付下就算，叫做有個甜品咁就算😦大時大節攞住節日個名嚟氹水魚落疊，都唔該你氹得我心服口服吖😩一路食個set一路望住隔離枱食啲嘢點解好似好食咁多🧐睇落仲以為係喺唔同餐廳食緊嘢，仲要一望menu先發現人哋total仲平過我哋咁樣一個so-called 情人節special dinner set！🤯🤯🤯💸💸💸
朱古力士多啤梨
$1100
9 瀏覽
0 讚好
0 留言
張貼
