Urban Coffee Roaster (已結業)

今日喺加寧街見到一間精緻嘅傢俬店，沿路上2樓發現有一間木系cafe. 於是我哋都喺度食lunch同埋試吓啲咖啡。咖啡選擇非常多，尤其係手調咖啡。咖啡非常濃郁，本人比較喜歡Cappuccino.食物方面，我哋試咗一個無花果多士及松葉蟹肉飯配軟殼蟹。兩樣餐點都係水準之作。無花果下面有一層薄薄嘅花生醬配厚厚嘅多士，多士焗得香脆啱啱好，無花果亦非常新鮮，絕對值得一試。松葉蟹肉飯配軟殼蟹- 軟殼蟹炸得剛好不油膩，松葉蟹飯混入青瓜絲同蟹子，食落清新。整體感覺非常出色，食完飯亦可以在店出面嘅傢俬店逛逛。