葵勝記

營業中

休息中

回家途中突然落起大雨，便同家人到了附近的葵勝記食碗粉避下雨。好一陣冇嚟，發覺而家多咗酸辣粉同唔少飯類，食品選擇多咗喎。哈哈，第一次咁認真望餐牌，平時坐低都係叫碗牛雜粉、雲吞麵等，既然見佢多咗嘢食，咁就揀下食咩好先。⭐五香崩沙腩飯家人叫咗個崩沙腩飯，賣相都唔錯喎，牛腩有幾件肥幾件瘦，炆得軟腍入味，個汁都好香口，撈飯一流呀。⭐蠔仔肉碎湯飯自己叫咗個蠔仔湯飯，一大碗上，即叫即煮個湯熱辣辣，飲落鮮甜有鹹香味，仲大啲胡椒嘅辣味，蠔仔細細隻肥嘟嘟，隻隻都鮮甜，飯嘅份量仲唔少添，一碗十分飽肚。⭐腐乳通菜見近排少食菜加返份腐乳通先，腐乳醬點通菜真係好好味㗎。⭐凍檸賓最後仲整返一人一杯凍檸賓，酸酸甜甜喺呢個又濕又熱嘅天氣真係啱曬飲😋食飽飽開始細雨啦，拿拿林埋個單行返屋企先。