Coffee Talks (已結業)

今日跟個friend去食西餐coffee talks，朋友口中讚不絕口，強烈要求我一試。店內裝潢以現代西餐為主，充滿時代感之餘燈光亦配合得非常浪漫。頭盤我地選擇左大路野-凱撒沙律。沙律菜同其他菜新鮮就不在話下，面包碎亦夠脆身。雞亦有兩種整法，我地選擇左用柚子汁烹調，畢竟香辣雞翼好多地方都有。雞翼烤得剛剛好，表皮香焦，柚子汁更是開胃。豬仔脾意粉，豬仔脾外皮烤到有少少乾，但咬開肉汁依然豐富，濃濃肉味令人慾罷不能。招牌菜特級牛肉漢堡配炸薯條，牛肉不鞋口，嫩滑，保留到肉汁，與車打芝士配合合得天衣無縫。埋單300幾蚊，性價比算高。