影片
更多
2021-06-28
1985 瀏覽
對呢個 Surf & Turf 極度失望逢星期一至五嘅夜晚，呢間餐廳所有分店都會做指定菜式嘅優惠。適逢今日係星期二，指定優惠菜式係 Surf & Turf，上網見佢哋廣告講明用加拿大 Thermidor 龍蝦 配 1855 嘅 USDA Black Angus 牛扒，就咁睇點都係穩陣配搭吖 🤔 同幾個老闆去完街，玩完又唔想煮飯，所以就決定一家四口去食返餐~ 冇訂位，直接 walk-in 冇問題，Waitress 接待亦有禮貌，滿意！點菜過程亦順利，waiter & waitress 亦主動！服務相當唔錯 👍🏻四個人點咗兩份 Kids meal (兩位未成年嘅老闆)，兩份 Surf & Turf，咁大家就可以每人半隻啦~ 點知⋯我冇諗過佢嘅龍蝦係已經拆哂肉，然後用磨菇、洋蔥、芝士之類做咗個白汁醬，撈埋一齊再釀返入殻焗⋯ 唔好啦，我想食龍蝦呀⋯ 係有鮮味嘅龍蝦呀 😔 好啦，唔緊要，龍蝦不似預期，仲有件牛扒頂住啩？唉，點不知⋯ 係 完·全·冇·味·㗎！😭 冇肉味、冇咸味、冇黑胡椒味、冇 herbal 味、冇 garlic 味、冇牛油味⋯ 唔知以為自己中咗武肺，所以食唔出味咁 🤷🏻♂️ 失望⋯
逢星期一至五嘅夜晚，呢間餐廳所有分店都會做指定菜式嘅優惠。適逢今日係星期二，指定優惠菜式係 Surf & Turf，上網見佢哋廣告講明用加拿大 Thermidor 龍蝦 配 1855 嘅 USDA Black Angus 牛扒，就咁睇點都係穩陣配搭吖 🤔 同幾個老闆去完街，玩完又唔想煮飯，所以就決定一家四口去食返餐~
冇訂位，直接 walk-in 冇問題，Waitress 接待亦有禮貌，滿意！點菜過程亦順利，waiter & waitress 亦主動！服務相當唔錯 👍🏻
四個人點咗兩份 Kids meal (兩位未成年嘅老闆)，兩份 Surf & Turf，咁大家就可以每人半隻啦~ 點知⋯
我冇諗過佢嘅龍蝦係已經拆哂肉，然後用磨菇、洋蔥、芝士之類做咗個白汁醬，撈埋一齊再釀返入殻焗⋯ 唔好啦，我想食龍蝦呀⋯ 係有鮮味嘅龍蝦呀 😔 好啦，唔緊要，龍蝦不似預期，仲有件牛扒頂住啩？唉，點不知⋯ 係 完·全·冇·味·㗎！😭 冇肉味、冇咸味、冇黑胡椒味、冇 herbal 味、冇 garlic 味、冇牛油味⋯ 唔知以為自己中咗武肺，所以食唔出味咁 🤷🏻♂️ 失望⋯
平日非優惠嘅日子水準係點？我未試過唔知(荷蘭叻 mode)⋯ 但係如果個水準係冇分別的話，收 $590 再加一就真係過分 🙄 好多小店嘅 Surf & Turf 平好多又好食好多 🤦🏻♂️
希望之後可以有改善啦！不過⋯我已經唔會再响呢間餐廳再 order Surf & Turf 嚕 🥺
Surf & Turf
32 瀏覽
0 讚好
0 留言
張貼
