影片
更多
2020-05-06
1722 瀏覽
不可一不可再，唔會再食。一肚氣咁食完呢一餐母親節飯！我第一次寫食評，但因為真係覺得好嬲，所以想話俾大家聽，唔想再有人中伏。＊對於服務既評價 ＊呢一餐飯係慶祝母親節既晚飯，所以我事前做足哂功課，上左eatigo拎優惠，揀左好耐先決定食呢間。但結果係令人十分既失望，令我好懷疑呢到所有食評都係打手。同媽媽行左全日街，一入到去，侍應問左一句『係咪食飯？』我好奇怪佢點解咁問。我見仲有卡位，就好有禮貌問侍應唔好意思，可唔可以坐？ 因為想可以坐得舒服d，點知佢一句好惡咁達埋黎話「唔得！」真係就咁兩隻字，無加無減。我當堂打左個突，我係一個學生，我自己都做過飲食業，除左澳牛，真係未見過侍應咁樣同客講野。個下真係想掉頭就走，加上我地遲左到，所以無左eatigo既優惠，但最後都照食，因為時間都唔早，大概8點半，媽媽六十幾歲唔想佢再走圍行，同埋想要慶祝母親節先揀呢到，決定都吞左啖氣留底食。同埋我地抽住一袋二袋，佢都無話主動俾多張櫈，我地去擺野。認真係世界級侍應，配服。但我想一再強調既係，我明白疫情底下要隔住坐 ，但我地都唔係話要同人搭枱，但明明有一張空既四人卡位，但佢唔俾我地坐，係咪因為我地睇落去似食唔起你
我第一次寫食評，但因為真係覺得好嬲，所以想話俾大家聽，唔想再有人中伏。
＊對於服務既評價 ＊
呢一餐飯係慶祝母親節既晚飯，所以我事前做足哂功課，上左eatigo拎優惠，揀左好耐先決定食呢間。但結果係令人十分既失望，令我好懷疑呢到所有食評都係打手。
同媽媽行左全日街，一入到去，侍應問左一句『係咪食飯？』我好奇怪佢點解咁問。
我見仲有卡位，就好有禮貌問侍應唔好意思，可唔可以坐？ 因為想可以坐得舒服d，點知佢一句好惡咁達埋黎話「唔得！」
真係就咁兩隻字，無加無減。我當堂打左個突，我係一個學生，我自己都做過飲食業，除左澳牛，真係未見過侍應咁樣同客講野。
個下真係想掉頭就走，加上我地遲左到，所以無左eatigo既優惠，但最後都照食，因為時間都唔早，大概8點半，媽媽六十幾歲唔想佢再走圍行，同埋想要慶祝母親節先揀呢到，決定都吞左啖氣留底食。
同埋我地抽住一袋二袋，佢都無話主動俾多張櫈，我地去擺野。認真係世界級侍應，配服。
但我想一再強調既係，我明白疫情底下要隔住坐 ，但我地都唔係話要同人搭枱，但明明有一張空既四人卡位，但佢唔俾我地坐，係咪因為我地睇落去似食唔起你呢間咁既餐廳？ 一路等上菜，我心入面真係有好強呢d疑問，諗到好想喊 ，成餐飯都食得好唔開心。
＊對於食物既評價＊
可能心情影響下，覺得野食麻麻。唔係難食，但唔出色。
我地叫左一個3course 一個2course
除左羊架唔似七成熟之外，就係龍蝦湯有苦味，我見其他食評都有講。所有野食都一般。
埋單齊頭七百蚊。
番到屋企，食左個天桃之後即刻肚痾
至於呢個價值唔值咁既服務同食物質素，我就覺得唔值啦。睇緊既你覺得呢？
24 瀏覽
0 讚好
0 留言
16 瀏覽
0 讚好
0 留言
20 瀏覽
0 讚好
0 留言
16 瀏覽
0 讚好
0 留言
12 瀏覽
0 讚好
0 留言
15 瀏覽
0 讚好
0 留言
13 瀏覽
0 讚好
0 留言
10 瀏覽
0 讚好
0 留言
張貼
