ND42 Bar & Lounge (已結業)

因為上 ig 看到這間食肆好評如潮，便致電預訂座位。怎料整個下午都未能打通電話，直至五時多才打通，這才是惡夢開始。食肆內全部是bar 枱形式，裝潢甚有格調，放工後到此輕談淺酌相當舒適。我們叫了四重芝士薄餅，薄餅十分美味，四種芝士和蕃茄混合一起，上枱都熱辣辣。但其他菜式等了半小時都未有，因為實在太肚餓，便問如未有整的話便取消單吧，侍應說廚房整緊好快會有，卡邦尼意粉實在太油，食完成個碟底都是油，仲以為係食緊乾炒牛河。之後上個炸魚薯條，因為有很多薯條，朋友便說想要多兜茄汁，那位男侍應便黑晒口面粗聲粗氣話咪有囉，去過咁多餐廳真係未試過咁，澳牛侍應態度仲好過佢。炸魚薯條勁油，每條薯條都係油，埋單俾錢仲勁惡講要唔要單，多謝都無聲都算。返到屋企個肚即刻好唔舒服，打電話問朋友佢話同我一樣有肚痾，如果食肆人手唔夠，做唔切嘢食，我都諒解，所以話取消單俾錢走人，但竟然整埋呢啲嘢食俾人。俾錢買難受。已經問過男侍應邊杯cocktail 最好飲，飲完覺得好一般。如果想幾百蚊試下差過澳牛侍應態度嘅話(女侍應態度好好)，腸胃唔舒服嘅話，可以去呢間食嘅。呢間唯一好食係 pizza. 真係今年食過咁多間餐廳最差嘅一間。