德意餐廳 (已結業)

有同事生日，見到呢間餐廳新開，見之前的食評好似幾好，問完壽星仔，就拍板試吓呢間新餐廳有同事想飲湯，所以叫咗是日餐湯(3-4位)，呢個我就無影相，餐湯附送蒜蓉包，賣相好似幾好，不過老闆飲咗一啖湯，即刻落咗一句comment，呢間餐廳平時應該係煮俾庵堂🤦🏻‍♀️黑松露薯條，可能算係全晚最好食，有少少黑松露香味👍凍肉拼盤，算係正正常常，不過份量唔算多火腿薄餅，唔算差，但係亦都冇咩深刻記憶德國豬手，其實佢燒得幾好，都幾大隻，不過唔知點解薯蓉有點奇怪🤔️酸酸的，放心，無人食完肚痛😂咖哩腸，都算幾好，個醬有少少辣，幾好食德國腸拼盤，普普通通，唔太特別肉眼扒，呢個都幾經典，可能烹調過程冇落鹽，我淨係食到淡淡嘅香草味，牛味都唔係好覺有，同埋好多筋🥹雞鎚，又係冇乜味，可能廚房欠缺調味料🤦🏻‍♀️豬肋骨，唔算好食，跟急凍店賣的差不多😞不過估唔到，卡邦尼意粉，煮得幾好👍買咗個蛋糕同壽星仔慶祝生日，侍應非常好，送咗一副眼鏡俾佢🤣坦白講，應該唔會再試呢間餐廳👎🏻