影片
更多
2017-06-03
943 瀏覽
突然接到女友特殊召喚，要一齊到中環理髮，還帶著聖獸定春同行。任務完成後，著與女友在附近搵食，不過帶著定春在蘭桂坊晚飯實有點困難，要可以寵物進入，要露天可以比狗仔坐的呢。逛了兩三個街口，終於發現陳泗記大排檔，雖然店舖座落於地盤邊，而且環境惡劣又沙塵滾滾，不過無所謂啦，試試無妨。前面有對情侶在等位，我地排第二。情侶兩位先入座，我兩見近火爐位置的四位女仕埋單中，就決定這檯吧﹗誰知剛想坐下，有位貌似老闆娘阿嬸走過來喝止，要我兩走到後邊暗處搭檯，又或是跟剛才對情侶一齊坐。依度全部都屬細圓摺檯或正方摺檯，最多坐到四個人，我兩個加隻狗仔呀﹗又不想騷擾到其他食客。貌似老闆娘阿嬸黑臉而語帶不滿稱，星期五晚無得兩個人坐一張檯 ﹗眼見右邊兩位阿叔食飽飲酒吹水中，再右一點兩位後生仔餸菜剛到進食中，再右一點大隻男女已食到尾聲滿足中。絕大部份都係兩個人一張檯，點解我地兩個加隻狗就要搭檯？又無食客正在等位，只得我地兩個。以為我地食個出前一丁或食件多士呀？最後決定不幫襯此店，慢慢離開此不知所謂地方。另一位侍應嬸嬸呆若木雞般目送我離開，您地唔係以為我會返轉頭麻？No way ﹗陳泗記永不錄用。花十多分鐘走到蘭桂坊斜路，
逛了兩三個街口，終於發現陳泗記大排檔，雖然店舖座落於地盤邊，而且環境惡劣又沙塵滾滾，不過無所謂啦，試試無妨。
前面有對情侶在等位，我地排第二。情侶兩位先入座，我兩見近火爐位置的四位女仕埋單中，就決定這檯吧﹗誰知剛想坐下，有位貌似老闆娘阿嬸走過來喝止，要我兩走到後邊暗處搭檯，又或是跟剛才對情侶一齊坐。依度全部都屬細圓摺檯或正方摺檯，最多坐到四個人，我兩個加隻狗仔呀﹗又不想騷擾到其他食客。
貌似老闆娘阿嬸黑臉而語帶不滿稱，星期五晚無得兩個人坐一張檯 ﹗眼見右邊兩位阿叔食飽飲酒吹水中，再右一點兩位後生仔餸菜剛到進食中，再右一點大隻男女已食到尾聲滿足中。絕大部份都係兩個人一張檯，點解我地兩個加隻狗就要搭檯？又無食客正在等位，只得我地兩個。以為我地食個出前一丁或食件多士呀？
最後決定不幫襯此店，慢慢離開此不知所謂地方。另一位侍應嬸嬸呆若木雞般目送我離開，您地唔係以為我會返轉頭麻？No way ﹗陳泗記永不錄用。
花十多分鐘走到蘭桂坊斜路，發現酒吧泰菜呢﹗鴻運泰國美食 Good Luck Thai food 熱情招待，見到我地帶著小狗就由門口帶到最入面的梳化位置，坐得舒服開揚，不怕騷擾到其他食客。員工們親切兼笑容滿面，服務態度一流，多位員工還走來跟定春合照呢﹗飽餐一頓後，兩口子埋單 $700 蚊，雖然價錢有點貴，但比得開心食得舒服，氣氛和諧。專登放低多幾十蚊貼士作小小心意、小小表揚。
蔡翁失馬又焉知非福呢？感謝陳泗記趕客態度，我兩才發現黃金島，柳暗花明又一村﹗我一向都不打沒有食物的評語，但今次真的氣難下啊，要立即跟大眾分享。誰知一上網發現只不過是冰山一角，原來陳泗記出名嗅串，態度惡劣，我兩沒有被歧視，阿嬸阿姐一向一視同人，讚﹗
張貼