天下第一腩 (已結業)

樂富老虎岩,有間自稱天下第一的"天下第一腩",經驗所得,自我澎漲去大吹大擂的店子,十間有九間只係流口水個流.橫掂去隔離食棧外賣燒味,好,姑且試下係咩一回事.下午時段食客稀少,睇見個坑腩麵吹到天咁高,賣成$30一客.好,就來一碗.其他如鮑汁雞腳,標榜個鮑汁用飽魚,蠔油等材料熬出.但再看餐單,並沒有其他同鮑魚有關的菜式.斷估無可能,專程用鮑魚去熬出個汁來,而沒有飽魚吃吧?等一會兒,坑腩伊上桌,嘗一口湯底,好咸,真係好咸,呢隻咸,唔係來自牛肉或牛骨,而係味精.一間好的清湯腩店,湯底一定清澈鮮甜,無須味精也能吃出鮮味.可想而知,此店的牛腩水準,大約會如何?牛坑腩肉質如瘦肉,很鞋口.筋肉部位理應膠質豐富兼稔熟,可惜我吃不到.坑腩味道怪怪的,唔知在肉上面整過什麼色水.連帶個伊麵,油溢味重.吃罷蠻不舒服.真係難為先前有篇鱔味甚重的食評,講到牛坑腩會爽口彈牙,不是嘛?無錯TVB前排個巴士飲食節目,係介紹過此店.咁又點?代表咩呢?天下第一腩,小弟贈你一個字呸)