美心香港地 (已結業)

下午茶時間馬鞍山都無乜好食， 行過呢間美心香港地，見到價錢牌比普通茶餐廳貴， 心諗食物質素可能會好d, 點知中晒伏，仲衰過一間普普通通既美心！蛋熱狗薯條真心覺得姨媽家私果隻熱狗仲好食過佢， 人地10 蚊有找，芥辣茄醬任你加，雖然唔係天大既美食，但起碼價錢成正比。呢間加d 炒到老過我姨媽既蛋係上面，話創新就收人地幾倍既價錢，隻熱狗完全無醬，乾真真， 真係未食過甘難食既熱狗。 d 薯條係返炸， 油過張面油紙。 我好後悔唔去大家樂食炸比薯條！朋友點既豬扒意粉。 所謂既豬扒，得切開2舊。 唔好見個湯甘濃，竟然可以無味！跟餐果杯華田就甜到飛起仲有d 侍應都幾無禮貌，所有野都掉去枱邊就走。甘既質素，講美味無美味，講服務無服務，收貴人地幾倍價錢，我唔知憑乜？