影片
更多
2011-12-15
59 瀏覽
今晚約左6位朋友仔聚聚舊,因為之前已經黎試過一次,覺得ok,所以今次介紹呢班朋友再黎過(上次無打邊邊,今次要試埋)今日係星期二,所以我地3位女士7折,超抵呀~一坐低,我d朋友話上去睇過食評好差喎,問我點解揀呢間,我話我不嬲都唔信食評,只信我試過既感覺,所以咪揀呢度囉~雖然今次坐得逼左d,但都無損我班朋友既食慾,大家一齊大開食界~呵呵~首先梗係食左一輪刺身先啦~黎得又快,又無好似其他食店咁你叫8塊佢比得4塊,呢度真係你叫幾多佢比幾多架,同埋都夠新鮮同夠凍~之後食左好多好多燒物,天婦羅,做頭盤~基本上係無漏過單既~樣樣都好快黎,唔似其他食店咁,你叫10樣黎得5樣....開始打邊邊喇~估唔到都好ok喎~擺到一枱都係呀!!!!不過不消一會又比我地清晒喇~樣樣野都好好,係個爐同個煲比較大,攪到張枱逼逼地.但咁既價錢黎講.就真係好抵喇~
今日係星期二,所以我地3位女士7折,超抵呀~
一坐低,我d朋友話上去睇過食評好差喎,問我點解揀呢間,我話我不嬲都唔信食評,只信我試過既感覺,所以咪揀呢度囉~
雖然今次坐得逼左d,但都無損我班朋友既食慾,大家一齊大開食界~呵呵~
首先梗係食左一輪刺身先啦~黎得又快,又無好似其他食店咁你叫8塊佢比得4塊,呢度真係你叫幾多佢比幾多架,同埋都夠新鮮同夠凍~
之後食左好多好多燒物,天婦羅,做頭盤~基本上係無漏過單既~樣樣都好快黎,唔似其他食店咁,你叫10樣黎得5樣....
開始打邊邊喇~估唔到都好ok喎~擺到一枱都係呀!!!!不過不消一會又比我地清晒喇~
樣樣野都好好,係個爐同個煲比較大,攪到張枱逼逼地.但咁既價錢黎講.就真係好抵喇~
題外話/補充資料：
我唔明點解佢咁多劣評.......可能而家d人搵錢搵多左,覺得自己係上等人要受上等人既款待啦,但佢地應該忘記左佢地比百幾蚊咋......
我覺得大家都應該好似我咁,試左先知,唔好亂信食評,試左真係覺得唔好既咪唔好再去囉,好過你試都未試就判人死刑~
(以上食評乃用戶個人意見 , 並不代表OpenRice之觀點。)
張貼