影片
更多
2021-05-26
162 瀏覽
今日我要大推呢間666泰船麵~~ 感覺好似終於搵到屬於自己嘅食堂！主要原因係好•抵•食！勁鍾意佢嘅飯有大同細嘅size揀，細飯都係$3x, 而大飯係3x-$5x，大食嘅人可以叫多幾樣，細食嘅人唔使食唔哂怕浪費，而且捱貴飯；啱啱好我就係細胃的人，份量啱啱好，唔使成日食剩有罪惡感。去到大家最關心嘅味道？可以同大家講唔使擔心！絕對唔係劣食，亦都唔係hea，以海南雞飯黎講，雞油飯真係有雞油味！唔似其他連鎖快餐店美x/大x樂...細碗飯都有六七條雞，對得住個價錢啦。另外椰青咖哩呢，雖然咖哩唔係好重椰汁味，都唔錯架，幾真材實料，咖哩醬裏面有好多“蓉”；佢哋嘅咖哩唔係辣個種，比較適合鍾意食甜咖哩嘅人~ 咖哩梗係要配薄餅啦，點啲醬很適合~ 然後再試咗兩個小食：泰式餃子同埋串燒。串燒嘅沙爹醬香濃又多花生粒！唔錯唔錯，我將剩返嘅醬用嚟點餃子，哈哈，我覺得都幾夾呀。餃子的確同中式唔同，值得一試。鋪頭嘅裝修幾有個性，雖然睇唔出係泰式餐廳，反而似有情調嘅西餐廳，行新式路線都差唔多啦，今時今日仲有呢個價錢，堅係抵食，係可以共渡糧尾時期的餐廳T_T
勁鍾意佢嘅飯有大同細嘅size揀，細飯都係$3x, 而大飯係3x-$5x，大食嘅人可以叫多幾樣，細食嘅人唔使食唔哂怕浪費，而且捱貴飯；啱啱好我就係細胃的人，份量啱啱好，唔使成日食剩有罪惡感。
去到大家最關心嘅味道？可以同大家講唔使擔心！絕對唔係劣食，亦都唔係hea，以海南雞飯黎講，雞油飯真係有雞油味！唔似其他連鎖快餐店美x/大x樂...細碗飯都有六七條雞，對得住個價錢啦。
另外椰青咖哩呢，雖然咖哩唔係好重椰汁味，都唔錯架，幾真材實料，咖哩醬裏面有好多“蓉”；佢哋嘅咖哩唔係辣個種，比較適合鍾意食甜咖哩嘅人~ 咖哩梗係要配薄餅啦，點啲醬很適合~
然後再試咗兩個小食：泰式餃子同埋串燒。串燒嘅沙爹醬香濃又多花生粒！唔錯唔錯，我將剩返嘅醬用嚟點餃子，哈哈，我覺得都幾夾呀。餃子的確同中式唔同，值得一試。
鋪頭嘅裝修幾有個性，雖然睇唔出係泰式餐廳，反而似有情調嘅西餐廳，行新式路線都差唔多啦，今時今日仲有呢個價錢，堅係抵食，係可以共渡糧尾時期的餐廳T_T
張貼
