堅韓牛韓燒放題 (已結業)

喺旺角搵食揀左呢間堅韓牛韓燒放題。店內甚具韓國食店風格，雖然枱櫈較舊，但更加有韓國嗰d由呀豬媽自家經營嘅特色小店，比人感覺舒適自在。放題價格有大衆化亦有極尚價錢，本來都諗住揀中間價錢都夠，但好想食日本和牛，所以都揀左level3。食物種類都幾多，除左燒肉外亦有刺身、前菜、沙律、熱食、炸物、火鍋等。刺身：三文魚、北寄貝、甜蝦，三文魚係厚切，啖啖肉，冇筋唔腥又新鮮；甜蝦幾鮮甜；北寄貝口感嫩滑爽彈。沙律：和風三文魚沙律，沙律菜同三文魚都好新鮮配埋個醬汁非常開胃，燒肉期間都比較heavy，叫個相對比較light嘅沙律中和下都唔錯。熱食：烤香腸好好食，少少甜帶d酒香味；而黑椒一口牛粒本來係好食，黑椒味香濃，牛粒炒得唔乾身。但食左燒和牛，完全覺得今晚肚子個位唔可以容納佢。炸物：炸物都炸得好香脆，又唔會太油膩。期待食嘅炸雞肉洋蔥圈，感覺食唔到洋蔥，比雞肉口感霸左。不過炸雞幾好，肉質juicy,味道剛好唔會鹹。燒肉：相比下我覺得餐廳提供燒嘅食材選擇較多，有唔同國家嘅肉肉，日本和牛、韓國牛肉、澳洲和牛、安格斯牛同西班牙黑毛豬，仲有水產、串燒包括爆脆墨魚咀、雞腎串、雞皮串等。爆脆墨魚咀：幾爽口，但我地落得