幸亭拉麵 (已結業)

頭先8點幾去到...同朋友點左一個叉燒豚骨拉麵、一個豚角煮豚骨拉麵剔左濃味、硬麵拉麵到喇香味：冇香味。豚骨湯底：淡到完全冇味 ，一路食一路都係搵唔出個味，係好重膠質，好濃，但真係冇味WO。希望店長調整下個味道，因為真係冇味，會唔會係差左大地魚同埋其他可以令個湯有味的香料黎煲個湯底呢? 濃而冇味的湯底真係好難飲。麵條：軟硬度尚可接受，但冇麵粉味的麵條，好似超市買果D冷凍拉麵果種咁。叉燒：煮得唔夠入味豚角煮：薄切豚角煮都真係第一次見，正常豚角煮係應該厚切架嘛係唔係呀? 不過重點都係冇味糖心蛋：正常其他配菜：果D芝麻其實等人自己落會好D囉。其他冇咩特別，D辣椒絲其實唔洗加啦，同個麵都唔配。價錢：HKD58 暫時呢個質素真係唔能夠接受，基本上係冇下次，不過我覺得店長應該會繼續改善，其待下次進步服務：正常，其實加水可以自己加會好D。整體：不合格。最大問題係個湯，完全冇味，濃而冇味。請店長多D花心機在湯底上。