影片
更多
2023-02-19
211 瀏覽
先旨聲明，我不是全天候茹素者，偶爾想清清腸胃，或平和下心情，就會選擇吃餐素。誰不知這一餐，吃到一肚氣。$68下午餐，我不會有甚麼高期望。普普通通正正常常，ok了。我知道對「普通正常」的定義，人人不同。但至少，「有嘢食」，而不是感覺剩餘的餸尾，這是否奢求呢？在門口望進去時，見到有些「吉盤」。男友說應該會refill的吧，就決定試試。3:24 p.m.入座，先付款。10分鐘，不見refill，讓大家睇下當時的狀況：開胃嗎？湯呢？問職員阿姐話「會出嘅會出嘅」但一直見佢地都是出一盤盤錫紙兜的到會食物，堂食卻沒有。其他所謂沙律和甜品「十室九空」，影都廢事影了加上我影嗰陣，阿姐話我做乜影相我話咁冇嘢食，影低佢留個紀錄放上網畀大家知道幾點黎會冇嘢食嘛！阿姐就話我心地唔好話食素嘅人心地點解咁樣我真係好希望老闆睇到而家我食到畀職員人身攻擊當時我都有d擔心會唔會幾枱都是熟客個個都幫住餐廳，覺得我搞事慶幸的是，大家目標和感覺一致同我同一張圓枱、已經準備走的嬸嬸話「你地入黎都冇嘢食！後面嗰d炸嘢唔知食唔食得呢？你去拎嘛！」我話返佢知嗰d一睇就知係做到會的我地係 無 資 格 食㗎～另有3枱的食客大家你眼望我眼，
誰不知這一餐，吃到一肚氣。
$68下午餐，我不會有甚麼高期望。
普普通通正正常常，ok了。
我知道對「普通正常」的定義，人人不同。
但至少，「有嘢食」，而不是感覺剩餘的餸尾，這是否奢求呢？
在門口望進去時，見到有些「吉盤」。
男友說應該會refill的吧，就決定試試。
3:24 p.m.入座，先付款。
10分鐘，不見refill，讓大家睇下當時的狀況：
開胃嗎？
湯呢？
問職員
阿姐話「會出嘅會出嘅」
但一直見佢地都是出一盤盤錫紙兜的到會食物，堂食卻沒有。
其他所謂沙律和甜品
「十室九空」，影都廢事影了
加上我影嗰陣，阿姐話我做乜影相
我話咁冇嘢食，影低佢留個紀錄
放上網畀大家知道幾點黎會冇嘢食嘛！
阿姐就話我心地唔好
話食素嘅人心地點解咁樣
我真係好希望老闆睇到
而家我食到畀職員人身攻擊
當時我都有d擔心會唔會幾枱都是熟客
個個都幫住餐廳，覺得我搞事
慶幸的是，大家目標和感覺一致
同我同一張圓枱、已經準備走的嬸嬸話
「你地入黎都冇嘢食！後面嗰d炸嘢唔知食唔食得呢？你去拎嘛！」
我話返佢知嗰d一睇就知係做到會的
我地係 無 資 格 食㗎～
另有3枱的食客
大家你眼望我眼，歎氣聲此起彼落
有1個後生女坐得後d
佢走埋黎同我講：
「我係坐喺度捽電話咋...
佢地不停喺我隔離出d到會食物
我一路睇住，但堂食都無加到，唉！」
最後佢走時，我地講咗句「有緣喺第2度再見」。
限時一個鐘，但唔知等到幾時先有食物出
兼且食餸尾和同阿姐的對話令到人心情好唔愉快，已經想快d走
阿姐依依哦哦話，加時畀你囉，再唔係退錢囉！
仲喺嗰個後生女離開時問佢食得滿唔滿意
真係笑咗出黎😂
冇嘢畀人食都仲好意思問呢句
果然係只要你唔尷尬，尷尬的就是別人的好例子
加時，唔使喇，冇嘢食，加黎做乜
退錢，亦絕對唔需要
我唔係無賴要食霸王餐
只能慨嘆自己揀錯餐廳
之後有加咗幾盤嘢
1 凍蕃茄
2 凍豆腐
3 菜
4 炒麵
菜和炒麵都是從廚房拿出來
倒滿晒到會的錫紙兜
有剩餘才加到堂食的盤
嗰個感覺真係好慘
可能本身廚房都係咁做嘅
反正煮開梗係一次過煮多d
但喺客人面前咁樣分
有多就畀堂食d客，無就無喇
而炸嘢就只放落到會的兜，無加過畀堂食
搞到堂食客好似乞食咁
畀大家睇下d到會有幾多：
最後我和男友坐唔到一個鐘
起身離去
有一對男女坐低咗大約20min
女的係VIP
佢有隔空和我地講下嘢
佢話佢食過lunch，好好多㗎
如果老闆喺度就更好
佢帶男的第1次來，想有個好印象，點知無嘢食
我地走時
佢問我，唔等喇？
我話等唔到喇...
等？仲等？
男友話買個兩餸飯都無咁激氣
最後行出餐廳之後
影返入去（廢事阿姐又兜口兜面話我心腸差）
同第1張相冇乜分別
因為只是加過蕃茄和豆腐
其他都冇refill到
後記：
1 係咪因為做到會，所以唔使理堂食客？
2 定還是因為下午茶平，所以唔refill？
3 言談間聽到阿姐話廚房有個爐壞咗
但客照入，錢照收，食物照缺，非常符合餐廳推廣的「光盤行動」。
是日2023年2月19日
$68下午茶時段好多食物盤都進行「光盤行動」
呢間餐廳叫「心裡有素」
甚麼食物*質素和員工質素 *僅餘的少量食物
睇完呢篇食評
大家應該「心裡有數」。
張貼
