影片
更多
2014-05-03
4290 瀏覽
今日–約左寶貝食午飯~佢提議到呢間新開冇耐的舖頭試新野,聽聞講呢到好爆,所以要早兩日訂位!!去到一坐底,餐牌同餐湯一齊上枱,我担心佢比錯枱就同服務員講我未點菜,點知佢同我講話: 我地係會比左餐湯先,我再同佢講,我的朋友未到,可唔可以遲少少先,佢居然好似聽唔到咁就走左去(唉..咁都得…)餐湯同我一齊等朋友!等左十五分鐘,乜都凍晒了..南瓜忌廉湯加一條脆餅乾 – 特純南瓜忌廉湯,雖然涼左,感覺仍然唔錯,南瓜肉感覺刻恴唔會打得太爛,仲食到粒粒口感,, 脆餅乾一般產品,我以為一個人有兩條,點知原來係每人一條~!好在冇偷食~蟹蓋海鮮天使面 – 賣相相當唔錯,可能上枱太慢,入口已經唔熱,汁料係啖啖的香草忌廉汁配合爽口的天使面~非常唔錯~有蟹肉棒,蝦肉粒同青口肉,相當精緻,份量的話一般的OL可以應付到,但係男人點的話怕且會食唔飽~!西冷扒意粉 – 賣相同出品都比較一般, 西冷扒唔見得特別厚切或重牛肉味,更加唔需要問客人要几多成熟~意粉方面都OK,至少唔會話煮得太淋, 配左個好特別的醬汁,食左都唔知係乜野味~總佑知係濕濕地易入口了.加錢可以有甜品同飲品~~木糠布丁 – 服務員話係餐廳師夫自己做, 我地
聽聞講呢到好爆,所以要早兩日訂位!!
去到一坐底,餐牌同餐湯一齊上枱,我担心佢比錯枱就同服務員講我未點菜,
點知佢同我講話: 我地係會比左餐湯先,
我再同佢講,我的朋友未到,可唔可以遲少少先,佢居然好似聽唔到咁就走左去(唉..咁都得…)
餐湯同我一齊等朋友!等左十五分鐘,乜都凍晒了..
南瓜忌廉湯加一條脆餅乾 – 特純南瓜忌廉湯,雖然涼左,感覺仍然唔錯,南瓜肉感覺刻恴唔會打得太爛,仲食到粒粒口感,, 脆餅乾一般產品,我以為一個人有兩條,點知原來係每人一條~!好在冇偷食~
蟹蓋海鮮天使面 – 賣相相當唔錯,可能上枱太慢,入口已經唔熱,汁料係啖啖的香草忌廉汁配合爽口的天使面~非常唔錯~有蟹肉棒,蝦肉粒同青口肉,相當精緻,
份量的話一般的OL可以應付到,但係男人點的話怕且會食唔飽~!
西冷扒意粉 – 賣相同出品都比較一般, 西冷扒唔見得特別厚切或重牛肉味,更加唔需要問客人要几多成熟~意粉方面都OK,至少唔會話煮得太淋, 配左個好特別的醬汁,食左都唔知係乜野味~總佑知係濕濕地易入口了.
加錢可以有甜品同飲品~~
木糠布丁 – 服務員話係餐廳師夫自己做, 我地就點黎試下,食落去的感覺好似OL姐姐比錢出去學一堂半堂的成品,CREAM的比例較多,食唔出佢一層層的木糠口感, 同埋唔夠凍,唉~
檸檬芝士蛋糕 – 服務台話呢個係來貨品,我地都試一試.,佢係用消化餅粹做餅底,可能唔係咁夠牛油,所以好易爛, 檸檬芝士感覺唔錯~入口可食到兩者的味道,唔會互搶
我點左杯熱檸水,冇得彈LA!!至少檸檬唔會苦,尚算新鮮,寶貝點左杯熱LATTA咖啡,我地諗佢的份量係8:2咖啡比牛奶,飲到寶貝身心口都甜晒~佢仲要唔知咁甜就加左半包糖,我見到都覺得會血糖高~!
唔知係咪我地對新餐廳要求高左D,又或者係見佢想行高檔的格局,所以多左少少期望,嗯…
但願未來日子, 真心的佢地可以有所進步~~!!
題外話/補充資料：
習慣我比預期早左約二十分鐘左右去到,
餐廳唔算好大,有室內同室外,仲有一間間左做品酒區的獨立房,感覺雅致,
時間尚早,餐廳已經坐左好多人,望入去機乎可以擺枱的方都已經擺晒枱,
枱同枱之間除左行人通道之外,就放唔到一隻杯子,迫到不得了~
對我呢個米芝連人,真係寸步難行,冇耐服務員同我登記,
之後帶左我去一個室外的位,我同佢講我地唔食煙,佢好似聽唔到咁冇理到就照帶我去,
安置左我去個角落位,仲要攝埋去先坐到~唉… …..
冇耐~我地最担心的事終於發生~ 就係隔離枱黎左三位高當的客人,佢地一坐底就一起抽起煙來…
哎呀呀~由於我同寶貝都唔係煙民,所以真係頂唔順,得到寶貝的同意,就靜靜搵服務員過來傾兩句
點知服務員隔著三四步的距離(主要因為地方太迫,以佢行唔到埋黎,)老遠咁問有乜野可以幫到我地,
我地就唯有好客氣咁做左個吸煙的動作再同佢講想調一調枱,點知佢話冇位可調
我地再同佢講叫佢諗下辦法, 佢就好似聽唔到咁走左去
我地再搵第二個感覺高級D的男服務員再要求多次,點知佢的反應就望下望下又走左去..
冇几耐仲上埋食品,好明顯係根本冇人跟進過我地的要求,我同寶貝真係覺得好不滿
一開始已經話唔想坐室外,就怕會阻住有需要的人搵食
到之後再三要求,就得到呢D回應,呢D算係乜野態度呢~
結論係: 我地一定唔係佢地的VIP ,所以唔夠資格提出任何要求囉!!
(以上食評乃用戶個人意見 , 並不代表OpenRice之觀點。)
張貼
