影片
更多
2009-11-10
22 瀏覽
8-11-2009食麵打底後, 嚟到九龍城廣場的新店試試佢的西式甜品.「甜之迷西式併盤」($53): out of 好多款可自選 3 款, 我哋就要了 New York cheesecake, creme brulee 及炸雪糕... 焗製的 New York cheesecake 質地似 chiffon cake 多 d (!), 食落芝味夠, 帶少少酸 (sour cream?), 感覺輕盈, 不過唔算好好食; creme brulee 就做得幾好, 面頭焦糖脆薄香甜, 下面的 custard 就十分滑溜, 帶 vanilla 香蛋香, 不比(當年的)「小店」 (http://www.openrice.com/restaurant/commentdetail.htm?commentid=1885193) 差呢 炸(芒果)雪糕賣相勁似炸蝦餅 xD, 不過呢個幾驚喜 -- batter 薄薄一層, 炸得鬆脆又唔會食到成口粉的感覺, 雪糕夠晒凍, 炸完後完全無溶 / 想溶的「意欲」, 但又唔會過硬, 芒果味亦算自然, 不錯喎 流心朱古力湯丸配玫瑰甘露 ($20):「玫瑰甘露」係帶淡
食麵打底後, 嚟到九龍城廣場的新店試試佢的西式甜品.
「甜之迷西式併盤」($53): out of 好多款可自選 3 款, 我哋就要了 New York cheesecake, creme brulee 及炸雪糕... 焗製的 New York cheesecake 質地似 chiffon cake 多 d (!), 食落芝味夠, 帶少少酸 (sour cream?), 感覺輕盈, 不過唔算好好食; creme brulee 就做得幾好, 面頭焦糖脆薄香甜, 下面的 custard 就十分滑溜, 帶 vanilla 香蛋香, 不比(當年的)「小店」 (http://www.openrice.com/restaurant/commentdetail.htm?commentid=1885193) 差呢 炸(芒果)雪糕賣相勁似炸蝦餅 xD, 不過呢個幾驚喜 -- batter 薄薄一層, 炸得鬆脆又唔會食到成口粉的感覺, 雪糕夠晒凍, 炸完後完全無溶 / 想溶的「意欲」, 但又唔會過硬, 芒果味亦算自然, 不錯喎
流心朱古力湯丸配玫瑰甘露 ($20):「玫瑰甘露」係帶淡淡花香的糖水, 不過甜度稍高; 朱古力湯丸夠流心, 甜度剛好, 朱古力味亦比想像中濃郁, 貨色不錯喎.
心太軟配雪糕 ($33): 夠熱, 蛋糕焗得有點脆口, 朱古力味香濃; 流心度夠, 朱古力漿味道一樣香濃, 甜度 ok; 配上同炸雪糕一樣咁凍, 一般香但幾滑的呍呢嗱雪糕, 加上我阿媽又喺度, 清碟當然無問題.
見好似唔多夠喉, 追加了一份要等 20 分鐘的即叫即焗原味梳乎里 ($34): 發到好高好大 , 蛋白 fluffy 輕巧, 不過感覺較單調, 而且好甜, 我都係鍾意 lunch 食嗰間的出品多 d.
食物不錯, 環境裝修就十分 young 又型格, 似 lounge 多過 restaurant! 店員們禮貌又幾友善, 服務亦不錯.
連加一每人約 $50, 唔平, 但物有所值的. 好嘢, 「小店」以外又多個有水準的甜品落腳點, 下次試試「港式」/ 中式的睇吓又如何?
張貼
