小食堡 (已結業)

蒸炸雞脾十八蚊黎講味道還可以，無用粉醬炸嘅雞脾，皮係脆但肉唔嫩比較乾，我個人覺得三十蚊隻嘅三多炸脾比較肉嫩多汁。煎釀三寶十四蚊四件，每件都釀滿魚肉，但味道就好一般，青椒唔爽脆，茄子偏腍，紅腸冇味道，魚肉唔彈牙，自家製豉油偏甜！香炸墨魚丸九蚊四粒，唔難食但冇墨魚味。唯一讚賞老板娘很有禮貌同細心，問煎釀三寶如不是即食，會將豉油用袋仔裝起。食物唯一可取係即叫即炸熱辣辣。但要用上半小時排隊，我就唔會再食囉！