影片
更多
2010-11-13
1 瀏覽
8-11-2010前一晚喺附近食完晚飯 (http://www.openrice.com/restaurant/commentdetail.htm?commentid=2129725) 時路經呢間餃子店, 幾有興趣, 又既然咁近新公司, 是日一條友食 lunch 就嚟試試吧. 叫了午市套餐 ($35), 有淨白菜豬肉餃 (亦可跟麵), 小食及飲品.先嚟小食「醬豬耳」: 豬耳切成一條條, 食落清涼爽脆又滑身, 味道就又鹹又甜及少少辣, 帶鹵水嗰隻甜, 又好似帶點五香味及酒味, 拌以勁幼細的蔥絲 (其實仲有紅椒絲, 只係我無拌啫 ) 同吃, 十分惹味, 食唔停口! 白菜豬肉餃: 蒸得熱辣辣, 餃皮厚度及濕潤度適中, 食落煙韌仲帶麵粉香 餡料就菜 vs 肉約 3:7, 不過軟熟多汁又鮮甜, 幾好食 不過一客 8 隻其實幾唔夠喉, 唔知有無得加錢「加底」 0架呢? 哈哈.熱豆漿: 唔知店員是否唔記得咗套餐飲品可揀豆漿 (cf. 汽水), 呢杯豆漿嚴重姍姍來遲 飲落夠熱的, 不過質地稀如水, 豆味係零, 當水飲吧啦 呢度地方幾細, 不過乾淨又企理, 連阿姐們都係好有禮貌及
8-11-2010
前一晚喺附近食完晚飯 (http://www.openrice.com/restaurant/commentdetail.htm?commentid=2129725) 時路經呢間餃子店, 幾有興趣, 又既然咁近新公司, 是日一條友食 lunch 就嚟試試吧. 叫了午市套餐 ($35), 有淨白菜豬肉餃 (亦可跟麵), 小食及飲品.
先嚟小食「醬豬耳」: 豬耳切成一條條, 食落清涼爽脆又滑身, 味道就又鹹又甜及少少辣, 帶鹵水嗰隻甜, 又好似帶點五香味及酒味, 拌以勁幼細的蔥絲 (其實仲有紅椒絲, 只係我無拌啫 ) 同吃, 十分惹味, 食唔停口!
白菜豬肉餃: 蒸得熱辣辣, 餃皮厚度及濕潤度適中, 食落煙韌仲帶麵粉香 餡料就菜 vs 肉約 3:7, 不過軟熟多汁又鮮甜, 幾好食 不過一客 8 隻其實幾唔夠喉, 唔知有無得加錢「加底」 0架呢? 哈哈.
熱豆漿: 唔知店員是否唔記得咗套餐飲品可揀豆漿 (cf. 汽水), 呢杯豆漿嚴重姍姍來遲 飲落夠熱的, 不過質地稀如水, 豆味係零, 當水飲吧啦
呢度地方幾細, 不過乾淨又企理, 連阿姐們都係好有禮貌及好好脾氣的 , 配套亦不錯.
埋單 $35, 小試牛刀食物不錯, 會再來的. 下次食蕃茄蛋打滷麵!
張貼
