花園餐廳 (金百利廣場)

營業中

休息中

夜晚9點幾喺銅鑼灣收工，講真都唔太多肆可以選擇了。最後走咗去金百利，發現呢度勁多野食，見到有花園餐廳，就忍唔住行咗入去，畢竟有勁多童年回憶在花園餐廳，以前細個爸爸成日帶我去旺角嗰間食，嗰啲侍應叔叔好比澳牛哥仔，但多了一份香港情懷。一坐底，就叫我最愛嘅鑊仔牛柳6成熟，朋友就叫A4和牛扒6成熟，有湯有餐包，但可惜的是而家冇甜品雪糕球跟餐，不過坦白說，味道不變，依舊好食，充滿牛味，不過友人就感覺佢塊扒應該落了不少鬆肉粉，沒辦法，可能品質不一。題外話，侍應都是後生，沒有了叔叔的本港情懷，但要注意的是，經常大聲傾計，又拉扯嬉戲，嘈住客人俾人感覺好不成熟，這點確要改善。