燒鳥亭 (已結業)

睇到食評諗住唔錯, 所以嚟試, 結果令我大失所望。首先, 每樣串燒都要一定要叫兩串, 而每一串都起碼要成$20, 我唔明白點解佢唔可以叫一串, 咁一個人嚟食嘅話咪每款都一定要食兩串? 就算我地兩個人, 以同樣嘅價錢, 都唔可以試多一d款。佢燒嘅時候都係一條條燒啦, 都唔明對佢有咩損失。其實價錢都唔係一個問題, 只要好食嘅話, 之不過我叫咗幾款嘢食, 好似樣樣味道都係差唔多, 都係醃都一樣味, 得個鹹字。安格斯牛肉不怕靭, 不過略厭太熟, 因為睇到裡面熟晒, 只可惜食唔到香嘅牛肉味, 可能醃料味蓋咗。雞皮燒得太硬, 劍魚腩又太熟, 感覺好似食班腩咁。係得最後有一碟芥棘雞肉比較好, 味道有d唔同同埋雞肉唔怕’鞋’。好彩開頭叫咗每人六串嘢, 食完即刻走人, 每人都要埋單$190, 食唔飽去隔離食碗清湯腩依肚好過。