影片
2017-09-16
572 瀏覽
OpenRice 見有9折優惠，所以喺OpenRice 網上訂位，當日小肥牛姐姐打黎confirm 先知限時兩小時，同埋套餐無9折優惠，我有啲猶豫，小肥牛姐姐即刻話散叫可以兩個半鐘，咁算， 都唔想臨時臨急搵第二間。到達後，侍應阿姐 sell 龍蝦鮑魚火鍋套餐，因為有小朋友，套餐大小同價，又想坐耐啲，諗住散叫火鍋，剔好火鍋紙落單。 入單無耐，侍應阿姐同我地講呢樣無果樣無，叫我地叫套餐，仲主動話兩個小朋友叫一個餐得啦。咁即係唔歡迎你散叫，不如直接cut 左散叫吧啦。最後，我地都唔想講黎講去，叫套餐。另外，我地叫左鴨舌同炸魚角小食，好食。 但食蒸海鮮嗰陣，朋友想追加鴨舌，又係賣哂。 套餐有8樣海鮮，包括龍蝦、鮑魚、比目魚、蝦、四款雜蜆，上檯時擺盤都幾吸睛，相機食先。首先，侍應姐姐放哂啲蜆同蝦落鍋蒸，可能6個餐份量比較多，蒸完都有啲未熟，要翻蒸。我地肚餓，蒸好就夾哂啲蝦蜆上碟，叫佢拿拿聲蒸第二樣。第二round 已經係放粥底，加龍蝦鮑魚入去煮。食緊龍蝦同鮑魚嗰陣，就係第三round放比目魚煮粥。比目魚比較多骨，而個粥底有啲提子乾。食左一round粥後，就加湯變粥底火鍋。火鍋配料可自選4種肉/丸
到達後，侍應阿姐 sell 龍蝦鮑魚火鍋套餐，因為有小朋友，套餐大小同價，又想坐耐啲，諗住散叫火鍋，剔好火鍋紙落單。 入單無耐，侍應阿姐同我地講呢樣無果樣無，叫我地叫套餐，仲主動話兩個小朋友叫一個餐得啦。咁即係唔歡迎你散叫，不如直接cut 左散叫吧啦。最後，我地都唔想講黎講去，叫套餐。
另外，我地叫左鴨舌同炸魚角小食，好食。 但食蒸海鮮嗰陣，朋友想追加鴨舌，又係賣哂。
套餐有8樣海鮮，包括龍蝦、鮑魚、比目魚、蝦、四款雜蜆，上檯時擺盤都幾吸睛，相機食先。
首先，侍應姐姐放哂啲蜆同蝦落鍋蒸，可能6個餐份量比較多，蒸完都有啲未熟，要翻蒸。我地肚餓，蒸好就夾哂啲蝦蜆上碟，叫佢拿拿聲蒸第二樣。
第二round 已經係放粥底，加龍蝦鮑魚入去煮。
食緊龍蝦同鮑魚嗰陣，就係第三round放比目魚煮粥。比目魚比較多骨，而個粥底有啲提子乾。
食左一round粥後，就加湯變粥底火鍋。
火鍋配料可自選4種肉/丸/餃類同5種蔬菜類。叫左肥牛、牛舌、雲吞、四寶丸、土魷、油墨菜、冬瓜、淮山、蜂巢豆腐
食物質素唔差嘅，但份量對男士或者餓底就少左啲。而且，好準時叫我地埋單，知出面多人等位，不過可以早啲提醒，叫左啲啤酒都唔夠時間飲哂。
查看之前的留言 ()
張貼
