念月樓

營業中

休息中

同老公入左呢間酒樓食普通晚飯，貪佢坐得舒服又唔會限時。今晚前菜係蒜味豆角，香蒜味重同爽口，ok好食。叫左d好餸飯嘅餸，麻婆豆腐同芋頭油鴨煲。麻婆豆腐只屬少辣同有少少香料味肉碎，有好多滑豆腐，都幾惹味。另一味嘅油鴨好香好煙韌，芋頭好粉，汁底有椰香，亦都係好好餸飯。椰汁桂花鴛鴦凍糕賣相精緻，淡淡桂花香同椰香，糕嘅口感軟硬適中，作為晚飯甜品唔錯。地方整潔、餐具都好精緻。就腳又想靜靜地食個中餐，可以一試。