影片
更多
2024-02-06
99 瀏覽
🍊 餐廳名稱：彌敦左岸 (尖沙咀)🐝 味道：8.5/10環境：8/10整體分數：8.5/10💰人均：$300+———————————————————只能說呢間絕對係俾人低估嘅真。隱世Bar&Restaurant ，門口經過可能唔算起眼，會以為係間普通酒吧，點知上到一層完全係另一個面貌，野食嘅質素係同區嘅新高度。而且一坐低店員就好有耐性咁將menu由頭到尾介紹一次，好加分。松露醬烤牛骨髓|和牛面肉醬|酸種多士 💰158牛骨髓呢類型嘅食物唔算超普遍，抱住一個try something new嘅心態。將和牛面肉醬鋪上多士一齊食，牛味好濃而且配埋多士食啱啱好，我甚至乎會淨係食個醬。除此之外仲有骨髓可以食，作為前菜真係打開晒個胃口。北海道珍寶帶子XO醬扁意粉💰228中西合璧嘅一道主菜，用XO醬去炒意粉，令到成個味道好惹味，我覺得好特別嘅係有加埋勝瓜同埋木耳入去炒，好少會見到呢兩種食材放喺意粉到。而且仲有西班牙辣肉腸，以及北海道珍寶帶子，淨係呢碟已經帶你環遊世界。成個味道都好有驚喜同埋所有食材意外地合拍。香烤招牌黃油雞（半隻) 💰288店員介紹嗰陣提及咗整呢隻黃油雞需要經過三個步驟，首先就係要醃製
味道：8.5/10
環境：8/10
整體分數：8.5/10
💰人均：$300+
———————————————————
只能說呢間絕對係俾人低估嘅真。隱世Bar&Restaurant ，門口經過可能唔算起眼，會以為係間普通酒吧，點知上到一層完全係另一個面貌，野食嘅質素係同區嘅新高度。而且一坐低店員就好有耐性咁將menu由頭到尾介紹一次，好加分。
松露醬烤牛骨髓|和牛面肉醬|酸種多士 💰158
牛骨髓呢類型嘅食物唔算超普遍，抱住一個try something new嘅心態。將和牛面肉醬鋪上多士一齊食，牛味好濃而且配埋多士食啱啱好，我甚至乎會淨係食個醬。除此之外仲有骨髓可以食，作為前菜真係打開晒個胃口。
北海道珍寶帶子XO醬扁意粉💰228
中西合璧嘅一道主菜，用XO醬去炒意粉，令到成個味道好惹味，我覺得好特別嘅係有加埋勝瓜同埋木耳入去炒，好少會見到呢兩種食材放喺意粉到。而且仲有西班牙辣肉腸，以及北海道珍寶帶子，淨係呢碟已經帶你環遊世界。成個味道都好有驚喜同埋所有食材意外地合拍。
香烤招牌黃油雞（半隻) 💰288
店員介紹嗰陣提及咗整呢隻黃油雞需要經過三個步驟，首先就係要醃製之後蒸熟，再風乾，最後先可以攞去烤。咁樣做法可以保留住雞嘅新鮮肉汁之餘仲可以令到表皮非常脆口。老實說食嘅時候我覺得有啲似炸子雞，但係比炸子雞好食一百倍。店員會喺你面前切開隻雞，原因係要俾顧客知道喺切嘅過程中會有好多雞汁流出嚟，所以店員想隻雞剪完之後原隻碟上枱俾客人。只能說我對呢隻雞真係無話可說，好食到我可以再食多半隻。佢另外加多$78就會有個黃油雞飯好可惜我今次冇叫到，我下次一定會再去覆桌。
另外今晚我哋去嗰日就有個live Band可以聽，大家有興趣嘅話可以睇定時間去book枱啦。
🗺️ 尖沙咀赫德道5-9號德裕中心地舖及1樓
🔍#FlavorforToday尖沙咀
🚆 尖沙咀站N3出口，步行約3分鐘
張貼
