影片
更多
2011-05-10
39 瀏覽
係附近番工, OT到11點幾, 女朋友等埋我先食晚飯本來諗住咁夜, 又懶得行去soho加上去過佐敦翠華唔係差諗住入去解決同醫肚入到去, 見到餐牌, 都算ok多嘢食揀我見咁夜, 叫咗個晚餐, 有煙內豬扒意 + 餐湯 + 奶油脆豬 + 可樂 (+4蚊)女友就揀試佢個冬蔭功水餃豬軟骨河關於晚餐, 個餐湯都尚算ok, 不過個主菜豬扒意嚟到嗰時有少少凍至於個冬蔭功湯河, 碗河嚟到已經索哂水, 試咗兩啖, 無乜冬蔭功咪, 咁都算見索哂水無湯咁濟, so麻煩個WAITER比少少湯, 佢拎咗個湯嚟, 係清魚湯 (唔係冬蔭功)我同女朋友都"吓"咗一聲點知個waiter好意思話"一樣"的 之後問佢唔係冬蔭功嚟?條友都係話得魚湯, 一樣的我同我女友都好疑惑之後條彈散就話, 魚湯一樣, 冬蔭功加五蚊跟住就行開咗我同女友諗住求其食完算, 加咗魚湯照食我女友要再加辣淑油先叫有番啲味點知條彈散仲好意思講"嗱, 咪一樣!"即刻激到我女友大聲質問番佢" 咁都叫一樣?" 講真, 食咁耐茶餐廰, 呢一間係第一間可以差到令我女友出聲話番個waiter的平時就算食街邊茶餐廳大排檔, 啲伙計幾粗魯, 都唔會令到我女友出聲囉老實講
本來諗住咁夜, 又懶得行去soho
加上去過佐敦翠華唔係差
諗住入去解決同醫肚
入到去, 見到餐牌, 都算ok多嘢食揀
我見咁夜, 叫咗個晚餐, 有煙內豬扒意 + 餐湯 + 奶油脆豬 + 可樂 (+4蚊)
女友就揀試佢個冬蔭功水餃豬軟骨河
關於晚餐, 個餐湯都尚算ok, 不過個主菜豬扒意嚟到嗰時有少少凍
至於個冬蔭功湯河, 碗河嚟到已經索哂水, 試咗兩啖, 無乜冬蔭功咪, 咁都算
見索哂水無湯咁濟, so麻煩個WAITER比少少湯, 佢拎咗個湯嚟, 係清魚湯 (唔係冬蔭功)
我同女朋友都"吓"咗一聲
點知個waiter好意思話"一樣"的
之後問佢唔係冬蔭功嚟?
條友都係話得魚湯, 一樣的
我同我女友都好疑惑
之後條彈散就話, 魚湯一樣, 冬蔭功加五蚊
跟住就行開咗
我同女友諗住求其食完算, 加咗魚湯照食
我女友要再加辣淑油先叫有番啲味
點知條彈散仲好意思講"嗱, 咪一樣!"
即刻激到我女友大聲質問番佢" 咁都叫一樣?"
講真, 食咁耐茶餐廰, 呢一間係第一間可以差到令我女友出聲話番個waiter的
平時就算食街邊茶餐廳大排檔, 啲伙計幾粗魯, 都唔會令到我女友出聲囉
老實講, 你本身碗冬蔭功無味都算
加冬蔭功要加錢都算
但個waiter都唔係咁同客講吓話
要加錢咪早出聲囉
就算唔加, 淨要你碗魚湯, 咁又點?
個waiter都無理由好意思話"一樣"吓話
"一樣"o既話你又要加錢?
結果, 求其食完就埋單走人
My conclusion:
味道: 普通, 除咗個奶油脆豬係叫有啲特色外, 其他叫的, 我會選擇去其他地方 --- 40幾蚊的索水冬蔭功, 其他普通泰國餐廰會更入味, 至於個豬扒意晚餐, $60幾70蚊, 或者旺角餐廳嗰啲會好得多... (希望呢個評語只限我哋當晚所食嗰啲啦...)
環境: 好彩坐卡位, 如果唔係都幾迫
服務: 希望呢一位阿叔輩員工只係未經培訓, 又或係新入行, 若果唔係, 請餐廳方面定時review吓...
衛生: 都ok
抵食: "高級"茶餐廳, 不過, 若只計今次啲食物質素同服務, 我會評為"不值"...
展望: 翠華成日標榜自己食物同服務, 我未食過哂佢所有"美食", 唔知其他係咪都係咁, 不過, 今次單係服務呢一環, 已經開始令我對佢"望而卻步",
而呢一餐令我同女朋友決定將呢間blacklist, 係今年內都唔會再幫襯!
(茶餐廳都要blacklist....)
張貼