影片
更多
2022-05-07
84 瀏覽
戲院同堂食開返，即刻攞假同老婆撐枱腳，下晝先睇套戲，可惜不似預期咁好睇，有啲失望，令我有啲擔心晚餐。Book Como 係睇中餐廳環境，坐落鯉景灣，對住公園同海旁，非常清幽寧靜，餐廳裝修簡潔舒適，我哋揀咗靠邊嘅枱，一來舒服啲，二來可以睇住部車 (你懂的)，好方便。好耐無食生蠔，見到有就心郁郁，不過太太唔好，於是叫咗一半生一半焗，生蠔一入口有淡淡海水味，然後係意想不到嘅creamy，由於我讚不絕口，連太太都話試下，一試竟然令佢有所改觀，仲話食埋淨低嗰隻 (反而我就清埋另外兩隻芝士焗蠔，早知全部要生蠔啦) ，一問之下原來係嚟自日本嘅生蠔，市面餐廳都比較少有，估唔到有驚喜。前菜叫咗白酒汁煮蜆，蜆肉固然鮮味十足，更正嘅係白酒汁，充滿牛油同彩椒香味，香甜而不膩，忍唔住將麵包點上白酒汁，食完一啖又一啖。前菜後想食沙律清一清口，店員推介雅芝竹沙律，原來雅芝竹係一種意大利嘅沙律菜，外貌有啲似朵花，味道清新獨特，而且有護肝養生作用，唔係四圍都食到嘅獨特菜式，在此特別推介。太太想食意大利飯，就叫咗大蝦龍蝦汁意大利飯，個人好鍾意食Risotto，但好怕啲餐廳為咗突出係意式而煮得好生，今次嘅Risotto軟硬
Book Como 係睇中餐廳環境，坐落鯉景灣，對住公園同海旁，非常清幽寧靜，餐廳裝修簡潔舒適，我哋揀咗靠邊嘅枱，一來舒服啲，二來可以睇住部車 (你懂的)，好方便。
好耐無食生蠔，見到有就心郁郁，不過太太唔好，於是叫咗一半生一半焗，生蠔一入口有淡淡海水味，然後係意想不到嘅creamy，由於我讚不絕口，連太太都話試下，一試竟然令佢有所改觀，仲話食埋淨低嗰隻 (反而我就清埋另外兩隻芝士焗蠔，早知全部要生蠔啦) ，一問之下原來係嚟自日本嘅生蠔，市面餐廳都比較少有，估唔到有驚喜。
前菜叫咗白酒汁煮蜆，蜆肉固然鮮味十足，更正嘅係白酒汁，充滿牛油同彩椒香味，香甜而不膩，忍唔住將麵包點上白酒汁，食完一啖又一啖。
前菜後想食沙律清一清口，店員推介雅芝竹沙律，原來雅芝竹係一種意大利嘅沙律菜，外貌有啲似朵花，味道清新獨特，而且有護肝養生作用，唔係四圍都食到嘅獨特菜式，在此特別推介。
太太想食意大利飯，就叫咗大蝦龍蝦汁意大利飯，個人好鍾意食Risotto，但好怕啲餐廳為咗突出係意式而煮得好生，今次嘅Risotto軟硬適中，口感一流，加上香濃嘅龍蝦汁，配上新鮮彈牙嘅大蝦，真係食唔停口。
另外主菜嗌咗意大利火腿薄餅同西冷，質素都相當高，只係食到呢度已經飽咗8成，pizza只好外賣返屋企比阿女食(第二日翻焗阿女不停話好味)，而塊扒就切開慢慢餸紅酒，都係一流嘅配搭，特別想讚下side dish嘅薯蓉，食落有少少粒粒嘅口感，而且充滿牛油香，太太一食就話：呢個咪你喺屋企整嘅薯蓉？！好好味呀！又因為咁似我自家製嘅薯蓉，所以我知道一定係手打而唔係機打，連伴菜都咁有心機，就知道呢間餐廳有幾用心。
最後，店長推介一定要食甜品，因為又係home made嘅，好啦，雖然已經捧住個肚，但都叫一份兩份食，是日甜品係Tiramisu，又係一啲易整但好難整得非常好食嘅菜式，試一啖，嘩，個cream出呼意料嘅香滑，蛋糕唔會太濕，酒香四溢但唔濃烈，balance得啱啱好，結果一向唔好Tiramisu嘅我哋兩位，食完一件後又叫多咗件，哈哈。
好耐未試過喺外面慢慢嘆晚餐，呢餐一食就係3個幾鐘，美酒街餚加舒服環境，真係非常滿足，完全將套爛片帶嚟嘅不快一掃而清。
日本生蠔
16 瀏覽
0 讚好
0 留言
白酒汁燴蜆
5 瀏覽
0 讚好
0 留言
雅芝竹沙律
5 瀏覽
0 讚好
0 留言
意大利火腿薄餅
14 瀏覽
0 讚好
0 留言
大蝦龍蝦汁意大利飯
12 瀏覽
0 讚好
0 留言
張貼
