美利堅京菜 (已結業)

對不起！實在退步得太緊要，已經唔係以前的美利堅。唔信可以試鍋貼，好似係用油炸過咁，脆卜卜、實「的的」，可能外國人會好鍾意。但依我愚見，正宗鍋貼應該是底脆﹝煎﹞而表皮軟﹝蒸﹞，餡要夠熱又有肉汁，咁至為之好吃和正宗。以前的美利堅做得到，但而家已經唔得。上星期剛剛帶了班外國朋友去，豆腐類和糖糟類真係嚇一跳，個獻汁有茶餐廳、大排檔的影子，十分「漏」。鐵板羊肉或牛肉差不多味，肉質本身亦「林」得緊要，可能係落疏打粉喇過籠的原故。烤鴨、叫化雞、三鮮拉麵和砂鍋雲吞雞尚可保持，但後者「師傅」太多，一定要叫定支可樂stand-by。可幸的是客似雲來，還是老外居多，始終底子雄厚，就算食老本做外國人都門庭若市。若是要求唔高還可以一試。但想吃老子號京菜，如此價錢其實有很多選擇。還望吃回以前的美利堅……