影片
更多
2011-04-30
12 瀏覽
呢個標題係取自我在FB分享我呢個可怕經歷時，一個朋友俾既回應，真係貼題到不得了。本人好少寫食評，但呢間野真係令我忍唔住要出山寫佢一寫。同男朋友去西貢食飯，本身我地都係西貢友，之前有間好正既車仔麵執左笠，突然靈光一閃話去松記試下佢既車仔麵，點知換來悲劇收場。八點半前入到去，個阿姐已經好似好唔耐煩係咁叫人落車。好唔客氣咁問，你要麵定米線......好啦，食車仔麵梗係要食油麵啦，叫完之後，先點送。我話要一號餐，佢話當中有兩樣送無既，咁都算。想換個啲送，又話呢樣唔換得，嗰樣唔換得。算﹗我就只叫蘿葡、豬紅同魷魚。埋到位，一食啲魷魚，一啲味都無，好似食梗舊膠咁。第二樣蘿葡算有味好少少，但係食到成口根。最慘係豬紅。平時我一個人可以KO成碗韮菜豬紅既人，今日居然得四舊式豬紅都要食淨兩位，就知幾難食。坦白講，我自出娘胎以來重未食過啲豬紅係又腥又苦既，如果唔係有枝可樂頂住，真係可以即吐。我唔覺得係貨源既問題，因為食左幾十年豬紅，未食過一間咁差既，佢真係好勁，連咁穩陣既野都可以煮成咁，只可以俾佩服兩個字佢。佢真係對唔住啲豬紅。講完啲送，講番個主菜即係麵，除左少之外，個油麵無𡁻口，唔知佢烚左幾耐同幾多轉，淡到
本人好少寫食評，但呢間野真係令我忍唔住要出山寫佢一寫。
同男朋友去西貢食飯，本身我地都係西貢友，之前有間好正既車仔麵執左笠，突然靈光一閃話去松記試下佢既車仔麵，點知換來悲劇收場。
八點半前入到去，個阿姐已經好似好唔耐煩係咁叫人落車。好唔客氣咁問，你要麵定米線......好啦，食車仔麵梗係要食油麵啦，叫完之後，先點送。我話要一號餐，佢話當中有兩樣送無既，咁都算。想換個啲送，又話呢樣唔換得，嗰樣唔換得。算﹗我就只叫蘿葡、豬紅同魷魚。
埋到位，一食啲魷魚，一啲味都無，好似食梗舊膠咁。第二樣蘿葡算有味好少少，但係食到成口根。最慘係豬紅。平時我一個人可以KO成碗韮菜豬紅既人，今日居然得四舊式豬紅都要食淨兩位，就知幾難食。坦白講，我自出娘胎以來重未食過啲豬紅係又腥又苦既，如果唔係有枝可樂頂住，真係可以即吐。我唔覺得係貨源既問題，因為食左幾十年豬紅，未食過一間咁差既，佢真係好勁，連咁穩陣既野都可以煮成咁，只可以俾佩服兩個字佢。佢真係對唔住啲豬紅。
講完啲送，講番個主菜即係麵，除左少之外，個油麵無𡁻口，唔知佢烚左幾耐同幾多轉，淡到好似食緊堆麵粉咁。個心真係當堂爆粗。
寫到呢度，已經唔想再寫，因為個湯係無辦法可以用味及文字來黎形容。
我真係好想問，究竟佢老板有無親自落過黎食下佢舖頭既出品？如果有而咁都過關既話，就真係味覺失調。
松記以前做得咁好（我未去過但好多朋友話好正）但今時今日居然變成咁（起碼在FB一講大量人回覆SUPPORT我既講法）都係要檢討一下。香港市民唔係省油的燈，大家都識得選擇既。
張貼