霸王山莊 (已結業)

今晚我們去咗「霸王山莊」奧海城店食晚飯！我們叫咗五色拼盤、竹簽口水鷄、蜜汁火方餅、黑醋小排骨、東坡肉、霸王小籠包、水煮魚片同宋嫂魚羹！五色拼盤有美味燻魚、鎮江肴肉、五味香醬牛𦟌、蔥油海蜇頭同涼拌青瓜！美味燻魚有好香濃嘅煙燻味，鎮江肴肉做得非常晶瑩剔透，肉質香濃有咬口！涼拌青瓜好清新同爽口！蜜汁火方餅嘅金華火腿佔滿咗香甜嘅蜜汁，仲有炸得非常香脆鬆化嘅腐皮同新鮮青瓜，最後加埋超鬆軟嘅包塊一齊食，真係令我一試難忘！係本人嘅必食推介！黑醋小排骨嘅排骨唔會太肥，酸甜汁非常惹味同醒胃，完全唔會有膩嘅感覺！霸王小籠包皮薄餡靚多汁！竹簽口水鷄好有特色，可以一口一啖，真係創意十足！