華輝小食 (已搬遷) 新店位置

記得好幾年前睇新聞，知道有間喺大圍賣手撕雞腸粉嘅店舖結業，一眾大圍街坊都感到不捨⋯今次多得沙田友介紹，先知原來喺新位置重開，咁啱踩完單車有啲肚餓，還完車，就過隔離華輝小食醫肚。我哋三個女仔，叫咗兩盒手撕雞腸粉。其實份量都唔少，一個女仔應該食唔到一盒。腸粉上鋪滿晒雞絲，雞肉肥瘦適中，唔會鞋，配上熱辣辣嘅腸粉⋯呢度嘅腸粉口感嫩滑，配上麻醬、芝麻同辣汁，估唔到原來手撕雞同腸粉都可以咁夾！真係不愧為大圍名物！