文華廳

營業中

休息中

Join左MO staycation package, 3千幾蚊包住一晚，一餐文華廳晚餐，同早餐，性價比超強。Set Menu如下，雖然有同上菜有少少唔一樣，但大體都差唔多，可能久唔久會轉menu，可惜無影低當日menu第一道頭盤，叉燒變成了豉油雞，豉油雞相當好味，雞皮好薄，雞肉仍然好滑。第二味係燉湯，用功夫茶形式上，都別有一番風味。第三道菜係炒班球，呢道菜係我哋認為全晚最出色嘅一道菜。斑球肉質鮮嫩，軟硬適中，火候控制得非常好。覺得有啲可惜係原來嘅圍村扣五層肉變咗鍋雞球，其實味道都可以，不過無乜特別最後一個主食係荷葉飯，呢個都係最失望嘅，因為啲飯真係有啲太濕，濕度相都唔係好想影甜品就有美點雙輝，壽包同埋蛋白杏仁茶湯圓。最後啲美點雙輝同埋壽包都食唔晒，因為真係好飽，大家都捧住個肚走。食物質素中餐廳嚟講都算好好，係最後個飯有少少失色。服務，環境同埋衛生都係近期食過嘅餐廳入面最好嘅，不愧為文華廳。