興記咖啡室

營業中

休息中

最近去咗上環嘅興記咖啡室，呢間小店真係幾特別，有種好濃厚嘅傳統香港冰室氣息，不過最近見到佢好似比以前多咗好多大陸客人，可能係因為小紅書🤔。嘢食方面首先講下西多士，呢度嘅西多士真係一流，外層煎得金黃香脆，內裡夾滿花生醬，加埋牛油同煉奶，味道香濃，我覺得都覺實對得住神級呢個名。至於奶醬多，外面個包係走薄身，外皮脆，奶醬滑，味道甜而不膩，食落去口感豐富。每次嚟都會叫。呢度個公司米都唔錯，米粉煮得啱啱好，配埋啲餸，啖啖鮮味啖啖正。始終成日公仔麵都唔係太健康，有quota要用就喺要呢度用。最後想講阿姐嘅服務態度都好有人情味，嚟一兩次佢就會記得你，同埋記得你鍾意食啲咩，抵佢咁多人食！