明將迴轉壽司餐廳 (已結業)

未來院友指定要去呢間野。我很久以前食過西九龍嗰間，之後都無再食過喇！跟住聽人講，佢越做越差。所以今晚都不抱任何期望，只求唔好食到肚痛就好了！假期前的工作天，8點幾去到，大約有5台左右的客人，完全唔使等位，可見佢的受歡迎程度入到去，你鍾意坐係邊就邊，無人理你的。太肚餓，一來就係迴轉帶上攞左碟希靈魚壽司。平時食嗰啲係有卜卜脆的口感的，但呢碟完全無囉之後見迴轉無乜野食，就用ipad落單。叫左軟殼蟹手卷，叉燒烏冬，炸蠔壽司，炸魷魚so, 炸蝦壽司。個烏冬正常，有粟米，木耳絲，魚蛋，叉燒。49蚊炸物就不得了。。。首先講下個軟殼蟹手卷。新鮮炸起的軟殼蟹，表面無太多的粉漿手卷入面有沙律醬同少少蔬菜。整體唔錯炸魷魚so同樣地都係無乜炸漿係面，你唔會食到成口粉都仲未食到條so。而且唔會炸到好乾，仲係juicy的炸蠔壽司，又係無得輸。香脆，酥脆，熱辣辣上枱真係點都估唔到有驚喜無期望就無失望，而且仲有好的experience仲有仲有，佢啲紫姜好好食，仲好食過元氣嗰啲丫