喜多郎日本料理

營業中

休息中

為食貓搭車成日都會經過喜多郎，每次都想去試，前排終於的起心肝去咗食。值結果都幾失望，應該唔會有下次🤦🏾‍♀️先講下佢既環境，餐廳好有日本居酒屋既感覺，相當唔錯，為食貓原先覺得百幾蚊一個set有呢個環境都係值得嘅。重點黎啦，當日為食貓叫左個天婦羅手打烏冬set，計埋加一都要百幾蚊既，而且又無野飲，咁既價錢加環境自然我既expectation會高d，點知d野黎到後簡直大失所望，呢個set最多值70蚊😅佢既天婦羅炸得好普通，同自己炸既無分別（真正日本天婦羅唔係咁整既），跟著佢既烏冬似係d平價烏冬，連d wasabi 都無wasabi 味，又無辣味🤦🏾‍♀️🤦🏾‍♀️為食貓個日見到sushi bar度有個日本師傅，可能熟食唔係日本師傅整，所以無咁好食？總之，去西貢食日本野可以唔使食佢，街市個邊有間性價比更高。