殿糖級 (已結業)

今晚18:00食飯，到21:00就餓了。去完旅行返嚟，帶媽咪去食下糖水甜品同行下。殿糖級心太軟配雪糕 $48拎法國獎？！門面咁寫就叫左啦，等10-15分鐘啦，一定要新鮮既！就咁睇係啡色，加返少少水果會好睇啲。一禁落個心太軟度就爆朱古力獎啦，正！朱古力味濃而唔死甜！外面小蛋糕位都保持到濕潤，唔會乾巴巴。雪糕係dryers朱古力石板街，有加份！因為我地本身以為係普通朱古力味，所以見到有棉花糖時默默加分！川貝蓮子百合燉雪蛤膏 $52冰糖配合，順口同甜度中度。蓮子好多粒，處理得好好，無苦味加好粉。而且無燉過火既甘味，比百合好味，嘻嘻。紅棗既甜可能落哂湯水，就咁食普通。整個嚟講秋風起食都暖胃滋潤既。