大利咖啡店

營業中

休息中

今日同爸爸上嚟食晏 ，佢食海記蒸魚， 我就叫咗大利咖啡店嘅 涼瓜菜脯煎蛋飯 。海記做得好大方，兩個人坐响佢舖面一人幫襯佢另一個可叫隔離舖嘅食物一齊食，重要主動問你要唔要例湯！人情味就咁解！！！碟飯一嚟到 真係畀佢嚇親 ，個煎蛋巨型到完全遮住曬啲飯 根本多到食唔曬 ，賣相十足一隻UFO。食嘅時候 耍鋸開一塊蛋 才可以見到裏面嘅白飯，本身涼瓜炒蛋已經好送飯 ，加埋菜脯粒簡直係11分 。到最後都係食咗三分二， 唯有比多1蚊買個外賣碗帶走。碟飯價錢只係42蚊 ，足夠兩個女士食。