巴蜀麻辣米綫 (已搬遷) 新店位置

本身諗住去對面間【車x品】食大碗麵架麻, 點知去到門口先知摸門丁, 同親愛的即刻諗唔到食咩好, 行過對面馬路大家企左係度。我地左諗、右諗食咩，最後決定食【車x品】對面間【巴蜀】。入門口前用電話上openrice睇下d口啤先, 見到全部笑哈哈實冇死啦！我地２個都係叫鮮牛肉米線 配秘製麻辣湯底！又話係→秘製麻辣湯底，點解一ｄ都唔麻？一ｄ都感覺唔到係秘製麻辣。秘製麻辣湯底 好似清湯加左辣椒油咁，唔覺有幾秘製麻辣?!!可能有比教之下，完全冇得同土瓜灣既【雲x川】相比，都係【雲x川】好食好好好好好多！