516
222
64
等級3
35
1
2021-08-12 496 瀏覽
雖然香港越嚟越多拉麵店,但不時就會掛住一蘭,鍾意佢可以自己揀口味,食落又唔會好膩。今次夜晚8點半先去食,竟然要排隊,但期待咗一陣,唯有照排啦。今次揀嘅係:口味濃味、油膩度清淡、蒜泥1份、有蔥、有叉燒、赤紅秘製醬汁普通、硬度軟。另外仲要加紫菜,吸晒啲湯汁咁食先正😋先飲一啖豚骨湯,仍然保持到水準,香而不膩👍🏻再撈匀啲辣汁,佢嘅官方介紹話用咗好多種香料,老實講就唔係太食得出有咩特別嘢,但都好食,惹味得嚟唔會太搶。不過份量好似少咗咁,幾啖就食晒,要加多半份替玉先勉強夠飽。佢做緊8周年推廣,做會員就免費送半份,唔知係咪咁所以減少咗原裝嗰碗🤨貪得意加多個特濃抹茶布甸,唔澀,但未至於好出色,不過不失啦,呢個價錢就冇乜興趣再食。
更多
雖然香港越嚟越多拉麵店,但不時就會掛住一蘭,鍾意佢可以自己揀口味,食落又唔會好膩。今次夜晚8點半先去食,竟然要排隊,但期待咗一陣,唯有照排啦。

今次揀嘅係:口味濃味、油膩度清淡、蒜泥1份、有蔥、有叉燒、赤紅秘製醬汁普通、硬度軟。另外仲要加紫菜,吸晒啲湯汁咁食先正😋

先飲一啖豚骨湯,仍然保持到水準,香而不膩👍🏻再撈匀啲辣汁,佢嘅官方介紹話用咗好多種香料,老實講就唔係太食得出有咩特別嘢,但都好食,惹味得嚟唔會太搶。

不過份量好似少咗咁,幾啖就食晒,要加多半份替玉先勉強夠飽。佢做緊8周年推廣,做會員就免費送半份,唔知係咪咁所以減少咗原裝嗰碗🤨

貪得意加多個特濃抹茶布甸,唔澀,但未至於好出色,不過不失啦,呢個價錢就冇乜興趣再食。
天然豚骨拉麵
$98
17 瀏覽
0 讚好
0 留言
特濃抹茶布甸
$49
30 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-07-16
等候時間
30 分鐘 (堂食)
人均消費
$176 (晚餐)
推介美食
天然豚骨拉麵
$ 98