PizzaExpress (時代廣場)

營業中

休息中

Pizza Express 係其中一間我最喜歡嘅餐廳，因為食物能夠保持水準。今晚因為coupon效應，所以又來吃啦。今次冇叫🍕，試咗以下三款食物：Leggera Superfood Salad每次見到呢碟沙律上枱，都超開心，未食已經覺得好健康，大大嘅碟，承載住滿滿嘅沙律菜，牛油果，紅菜頭，車厘茄，南瓜，青瓜，仲有松子仁，mozzarella cheese，絕對係健康之選。茄汁海鮮意大利粉上菜嘅時候仲係熱騰騰，啱啱煮好，香氣撲鼻。海鮮包括有大蝦，細粒元貝，蜆肉，八爪魚，當然仲有車厘茄，同味道啱啱好嘅茄蓉，意大利粉相當al dente.烤焗雞翼配芥末醬汁呢個小食絕對係有驚喜，原本冇諗住揀呢款，但係為咗計啱條數用coupon，所以先揀😂，點知出奇地好味。因為雞翼好大隻，外皮焗得香脆，內裏嘅雞肉好有肉汁，仍然嫩滑。